പാലക്കാട്: മണ്ഡലത്തിലെ യുവജനങ്ങള്‍ ജോലി തേടി അന്യനാടുകളില്‍ പോകേണ്ട അവസ്ഥയ്ക്ക് മാറ്റം വരുത്തുമെന്ന് എന്‍ഡിഎ സ്ഥാനാര്‍ത്ഥി മെട്രോമാന്‍ ഇ. ശ്രീധരന്‍. പാലപൊറ്റയിലെ ജനസഭയില്‍ സംസാരിക്കുകയായിരുന്നു അദേഹം. കൂടുതല്‍ വ്യവസായങ്ങള്‍ പാലക്കാട്ടേക്ക് കൊണ്ടുവരും, ഇതോടെ കൂടുതല്‍ തൊഴില്‍ അവസരങ്ങള്‍ പാലക്കാട്ട് തന്നെ ഉണ്ടാവും.
എന്റെ രാഷ്‌ട്രീയം വികസനമാണ്. ഇതുവരെയുള്ള തന്റെ അനുഭവസമ്പത്ത് മണ്ഡലത്തിന്റെ വികസനത്തിനായി വിനിയോഗിക്കും. അടിസ്ഥാന സൗകര്യ വികസനമാണ് ലക്ഷ്യം. മണ്ഡലത്തിലെ എല്ലാ വോട്ടര്‍മാര്‍ക്കും അതിന്റെ ഗുണഫലങ്ങള്‍ ലഭിക്കും. കുടിവെള്ളവും കൃഷിക്കാവശ്യമായ വെള്ളവും ലഭ്യമാക്കും. ഉന്നതവിദ്യാഭ്യാസ സ്ഥാപനങ്ങള്‍ പാലക്കാട്ടേക്ക് എത്തിക്കുമെന്ന ഉറപ്പും അദേഹം വോട്ടര്‍മാര്‍ക്ക് നല്‍കി.
