ന്യൂദല്‍ഹി: രാഹുല്‍ ഗാന്ധി എവിടെയാണെന്ന ചോദ്യത്തിന് കോണ്‍ഗ്രസ് എംപി ശശി തരൂരിന്‌റെ മറുപടി രാഷ്‌ട്രീയവൃത്തങ്ങളില്‍ ചര്‍ച്ചയായി. പാര്‍ട്ടി നേതൃത്വത്തോടു പോലും വ്യക്തമാക്കാതെ തരം കിട്ടുമ്പോഴെല്ലാം വിദേശത്തേക്ക് മുങ്ങുന്ന രാഹുലിന്‌റെ ഏര്‍പ്പാടിനോടുള്ള വിമര്‍ശനവും പരിഹാസവുമായി അതു മാറി. രാഹുല്‍ വിയറ്റ്‌നാമിലേക്കു പോയതിനെക്കുറിച്ച് പ്രതികരണമാരാഞ്ഞ മാധ്യമപ്രവര്‍ത്തകരോട് അദ്‌ദേഹത്തിന്‌റെ യാത്രാ പദ്ധതികളെക്കുറിച്ച് വിശദീകരിക്കാന്‍ ‘ഞാന്‍ ഒരു ട്രാവല്‍ ഏജന്റല്ല’ എന്നാണ് തരൂര്‍ പറഞ്ഞത്. ഗ്യാനേഷ് കുമാറിന്റെ രാജി ആവശ്യപ്പെട്ടുള്ള പ്രതിഷേധങ്ങള്‍ക്കു നടുവിലാണ് രാഹുല്‍ മുങ്ങിയത്. രാഹുലിന്‌റെ തിരോധാനം ബിജെപി വലിയ രാഷ്‌ട്രീയ പ്രചാരണമാക്കിയതിന്‌റെ ക്ഷീണത്തിലാണ് കോണ്‍ഗ്രസ്. രാഹുല്‍ എന്തിനുപോയി എന്നു മാത്രമല്ല, എവിടെ പോയി എന്നു പോലും ഔദ്യോഗികമായി വിശദീകരിക്കാന്‍ പാര്‍ട്ടിക്കു കഴിയുന്നില്ല.
ചോദ്യം രാഹുല്‍ ഗാന്ധിയുടെ വിയറ്റ്‌നാം യാത്രയെക്കുറിച്ച്, ‘ഞാന്‍ ട്രാവല്‍ ഏജന്റല്ലെ’ന്ന് തരൂരിന്‌റെ മറുപടി
ബന്ധപ്പെട്ട വാര്‍ത്തകള്‍
പുതിയ വാര്‍ത്തകള്‍
