കൊൽക്കത്ത: ‘രാമായണം’ സിനിമയ്ക്ക് നികുതി ഇളവ് നൽകുമെന്ന് പശ്ചിമ ബംഗാൾ മുഖ്യമന്ത്രി സുവേന്ദു അധികാരി .കൊൽക്കത്തയിലെ സെൻട്രൽ പാർക്കിൽ നടന്ന ദസറ ആഘോഷങ്ങളിൽ നടന്മാരായ രൺബീർ കപൂർ, യാഷ് എന്നിവർക്കൊപ്പം പങ്കെടുത്തപ്പോഴാണ് മുഖ്യമന്ത്രി ഇക്കാര്യം അറിയിച്ചത്.
“രാമായണം എന്ന സിനിമയെ നികുതി രഹിതമാക്കി. ‘ദി കേരള സ്റ്റോറി’, ‘ദി കശ്മീർ ഫയൽസ്’, ‘ദി ബംഗാൾ ഫയൽസ്’ – ഇവയെല്ലാം നികുതി രഹിതമാക്കി ഇതേ നിയമം രാമായണത്തിനും ബാധകമായിരിക്കും,” അദ്ദേഹം പറഞ്ഞു.
കൊൽക്കത്തയിലെ ദസറ ആഘോഷങ്ങളിൽ സിനിമാ സംഘത്തെ സ്വാഗതം ചെയ്തതിന് മുഖ്യമന്ത്രിക്ക് രൺബീർ നന്ദി പറഞ്ഞു. “കൊൽക്കത്തയുടെ ഈ പുണ്യഭൂമിയിൽ വന്ന് നിങ്ങളോടൊപ്പമുള്ള ദസറ ആഘോഷിക്കാൻ കഴിയുന്നത് ഞങ്ങൾക്ക് വളരെയധികം സന്തോഷമാണ് . ദസറ നമ്മെ ഒരു മനോഹരമായ കാര്യത്തെ ഓർമ്മിപ്പിക്കുന്നു: തിന്മയുടെ ശക്തികൾ എത്ര ശക്തമാണെങ്കിലും, ഒടുവിൽ സത്യവും നന്മയും ജയിക്കും,” അദ്ദേഹം പറഞ്ഞു.
