ഗുവാഹതി: അസം മറ്റൊരു ബംഗ്ലാദേശ് ആകാതിരിക്കാന് ഹിന്ദുക്കള് 2,3 കുട്ടികള്ക്ക് ജന്മം നല്കണമെന്ന് അസം മുഖ്യമന്ത്രി ഹിമന്ത ബിശ്വ ശര്മ്മ. അസമില് ബംഗ്ലാദേശില് നിന്നും നുഴഞ്ഞുകയറിയ രോഹിംഗ്യ മുസ്ലിങ്ങള് ഉള്പ്പെടെ മുസ്ലിങ്ങളുടെ ജനസംഖ്യ കുതിച്ചുയരുന്ന പശ്ചാത്തലത്തിലാണ് ഹിമന്ത ബിശ്വ ശര്മ്മയുടെ ഈ ആഹ്വാനം.
2041ഓടെ മുസ്ലിങ്ങള് ഭൂരിപക്ഷസമുദായമാകാതിരിക്കണമെങ്കില് ഹിന്ദുക്കള് കൂടുതല് കുഞ്ഞുങ്ങള്ക്ക് ജന്മം നല്കേണ്ടതുണ്ടെന്ന് ഹിമന്ത്ര ബിശ്വശര്മ്മ പറഞ്ഞു. മുസ്ലിങ്ങള് ഏഴോ എട്ടോ കുട്ടികള്ക്ക് വരെ ജന്മം നല്കുന്ന സ്ഥിതിവിശേഷമുണ്ട്. പ്രസവാനുപാതം കുറഞ്ഞു വരുന്നതിനാലാണ് ഹിന്ദുക്കളോട് കൂടുതല് കുഞ്ഞുങ്ങള്ക്ക് ജന്മം നല്കണമെന്ന് പറയുന്നതെന്നും ഹിമന്ത ബിശ്വശര്മ്മ പറഞ്ഞു.
