ന്യൂദൽഹി : ശതാബ്ദി വർഷത്തിൽ ദേശീയതലത്തിൽ വമ്പൻ പദ്ധതിയുമായി ആർഎസ്എസ് . ഒക്ടോബർ 30 മുതൽ നവംബർ 1 വരെ ആർഎസ്എസ് അഖിലേന്ത്യാ എക്സിക്യൂട്ടീവ് ബോർഡ് യോഗം നടക്കും. സർസംഘചാലക് ഉൾപ്പെടെ 407 മുതിർന്ന പ്രവർത്തകർ യോഗത്തിൽ പങ്കെടുക്കും.
ശതാബ്ദി വർഷവുമായി ബന്ധപ്പെട്ട അനുഭവങ്ങൾ പങ്കുവെക്കുകയും പുതിയ നയങ്ങളും വിഷയങ്ങളും വിശദമായി ചർച്ച ചെയ്യുകയും ചെയ്യും. ആർഎസ്എസിന്റെ ഗൃഹ സമ്പർക്ക് അഭിയാന്റെയും നടക്കാനിരിക്കുന്ന ഹിന്ദു സമ്മേളനങ്ങളുടെയും രൂപരേഖയും ചർച്ചയാകും . രാജ്യമെമ്പാടും ഒരു ലക്ഷത്തിലധികം ഹിന്ദു സമ്മേളനങ്ങൾ സംഘടിപ്പിക്കാനാണ് സംഘം ലക്ഷ്യമിടുന്നത്.
കൂടാതെ, ഗുരു തേജ് ബഹാദൂർ ജിയുടെ 350-ാം രക്തസാക്ഷിത്വ വാർഷികത്തിനും പ്രഭു ബിർസ മുണ്ടയുടെ 150-ാം ജന്മവാർഷികത്തിനും പ്രത്യേക പരിപാടികൾ തയ്യാറാക്കുന്നതിനെക്കുറിച്ചും ചർച്ചകൾ നടക്കും.യുവാക്കളെ സംഘടനയുമായി ബന്ധിപ്പിക്കുന്നതിനായി സംഘം പ്രത്യേക പരിപാടികളും ആസൂത്രണം ചെയ്യുന്നുണ്ട് . ശതാബ്ദി വാർഷികാഘോഷ വേളയിൽ, സർസംഘചാലക് മോഹൻ ഭാഗവത് രാജ്യത്തുടനീളമുള്ള പരിപാടികളിൽ പങ്കെടുക്കും.
