അഹമ്മദാബാദ് :കൗമാരത്തിലെത്തിയ ആര്യന് അസാരി തരിപ്പിലാണ്. ഒരു വിമാനാപകടം നേരിട്ട് മൊബൈല് ഫോണില് പകര്ത്തിയതിന്റെ തരിപ്പില് നിന്നും ഇനിയും മുക്തനായിട്ടില്ല.
എയറിന്ത്യാവിമാനം വല്ലാതെ താഴ്ന്നുപറക്കുന്നത് കണ്ടപ്പോള് ഒരു കൗതുകത്തിനായി വീടിന്റെ ടെറസില് നിന്നും പകര്ത്തുകയായിരുന്നു ആര്യന് അസാരി. പക്ഷെ അടുത്ത നിമിഷം മൊബൈല് ക്യാമറയിലൂടെ കാണുന്നത് ആ വിമാനം തകര്ന്നുവീഴുന്നതാണ്. “മെല്ലെ വിമാനം താഴേക്ക് താഴേക്ക് വന്നു. പിന്നീട് വിമാനത്തിന് തീപിടിച്ചു. അടുത്ത നിമിഷം പൊട്ടിത്തെറിച്ചു”-ആര്യന് അസാരി പറയുന്നു.. എല്ലാം മൊബൈല് ഫോണില് പകര്ത്തിയെങ്കിലും പയ്യന് ആകെ തളര്ന്നുപോയി. ഇതിന്റെ പേരില് തന്റെ ജീവന് അപകടത്തിലാകുമെന്നാണ് ഉടനെ സഹോദരിയെ വിളിച്ച് ഈ വീഡിയോ ക്ലിപ് കാണിച്ചുകൊടുത്ത് ആര്യന് അസാരി പറഞ്ഞത്.
അപ്പോള് ഈ ദൃശ്യം പൂര്ണ്ണമായും പകര്ത്തിയ ലോകത്തിലെ ഏക വ്യക്തിയായിരുന്നു ആര്യന് അസാരി. ഈ വാര്ത്ത അറിഞ്ഞപ്പോള് പൊലീസ് ആര്യനെ വിളിപ്പിച്ചു.വല്ലാതെ ഭയന്നുപോയെങ്കിലും പൊലീസ് വിവരം ആരായുക മാത്രമാണ് ചെയ്തത്. ഇപ്പോള് ആര്യന് അസാരി സമൂഹമാധ്യമങ്ങളില് വൈറലായിരിക്കുകയാണ്.
