കോട്ടയം: മുനമ്പം പ്രശ്‌നം ശാശ്വതമായി പരിഹരിക്കുമെന്ന മുഖ്യമന്ത്രി പിണറായി വിജയന്റെ ഉറപ്പില്‍ എന്ത് ആത്മാര്‍ത്ഥതയെന്ന് നാട്ടുകാര്‍. ഇന്നലെ സമരസമിതി നേതാക്കളുമായി ചര്‍ച്ച നടത്തിയ മുഖ്യമന്ത്രി പ്രശ്‌നം പരിഹരിക്കുമെന്നാണ് പറഞ്ഞത്. എന്നാല്‍ എങ്ങനെ എന്ന് വ്യക്തമാക്കിയില്ല.
മൂന്ന് ഉപതെരഞ്ഞെടുപ്പുകളും കഴിഞ്ഞശേഷമാണ് പ്രശ്‌നം ചര്‍ച്ച ചെയ്യാമെന്ന് മുഖ്യമന്ത്രി പറയുന്നത്. ഇലക്ഷന്‍ കഴിഞ്ഞു നടത്തുന്ന ചര്‍ച്ചയില്‍ എന്തുമാത്രം ആത്മാര്‍ത്ഥതയുണ്ടാകും എന്നതാണ് സംശയാസ്പദം. കേന്ദ്രസര്‍ക്കാര്‍ കൊണ്ടുവന്ന വഖഫ് ഭേദഗതി ബില്ലിനെതിരെ സംസ്ഥാന നിയമസഭയില്‍ പ്രമേയം പാസാക്കിയവരാണ് മുഖ്യമന്ത്രിയുടെയും പ്രതിപക്ഷ നേതാവിന്റെയും പാര്‍ട്ടിക്കാര്‍.
നിയമ ഭേദഗതിയെ എതിര്‍ക്കുകയും വഖഫ് അവകാശവാദം ഉന്നയിക്കുന്ന ഭൂമി സംരക്ഷിക്കുമെന്നു പറയുന്നതും ഇരട്ടത്താപ്പാണ്.
