ന്യൂദൽഹി : ബിജെപി നേതാവ് എൽ. കെ. അദ്വാനിയുടെ ജന്മദിനത്തിൽ പ്രധാനമന്ത്രി നരേന്ദ്ര മോദി ആശംസകൾ നേർന്നു. ഇന്ത്യയുടെ ഏറ്റവും ആദരണീയരായ രാഷ്ട്രതന്ത്രജ്ഞരിൽ ഒരാളാണ് അദ്ദേഹമെന്നും രാജ്യത്തിന്റെ വികസനത്തിനായി അദ്ദേഹം സ്വന്തം ജീവിതം സമർപ്പിച്ചുവെന്നും മോദി പറഞ്ഞു.
“ശ്രീ എൽ കെ അദ്വാനി ജിക്ക് അദ്ദേഹത്തിന്റെ ജന്മദിനത്തിൽ ആശംസകൾ. ഈ വർഷം കൂടുതൽ സവിശേഷമാണ്, കാരണം നമ്മുടെ രാഷ്ട്രത്തിന് നൽകിയ മികച്ച സേവനത്തിന് അദ്ദേഹത്തിന് ഭാരതരത്നം ലഭിച്ചു, ”-മോദി എക്സിൽ കുറിച്ചു.
കൂടാതെ അദ്ദേഹത്തിന്റെ ബുദ്ധിശക്തിക്കും സമ്പന്നമായ ഉൾക്കാഴ്ചകൾക്കും അദ്ദേഹം എല്ലായ്പ്പോഴും ബഹുമാനിക്കപ്പെട്ടിട്ടുണ്ട്. വർഷങ്ങളോളം അദ്ദേഹത്തിന്റെ മാർഗനിർദേശം ലഭിച്ചതിൽ താൻ ഭാഗ്യവാനാണ്. അദ്ദേഹത്തിന്റെ ദീർഘായുസ്സിനും ആരോഗ്യത്തിനും വേണ്ടി പ്രാർത്ഥിക്കുന്നുവെന്നും പ്രധാനമന്ത്രി കൂട്ടിച്ചേർത്തു.
മുൻ ഉപപ്രധാനമന്ത്രിയും മുൻ ബിജെപി അധ്യക്ഷനുമായ അദ്വാനിക്ക് വെള്ളിയാഴ്ചയാണ് 97 വയസ്സ് തികഞ്ഞത്.
