ബിജെപി നേതാവ് അണ്ണാമലൈ കറുത്തിട്ടായതിനാല്‍ കാണാന്‍ ഭംഗിയുള്ളവരോട് അണ്ണാമലൈയ്ക്ക് അസൂയയാണെന്നും അത് അദ്ദേഹത്തെ സൈക്കോപത് ആക്കി മാറ്റുന്നുണ്ടെന്നുമുള്ള തമിഴ് നടി വിനോദിനിയുടെ കമന്‍റിനെതിരെ തമിഴ്നാട്ടില്‍ വ്യാപകപ്രതിഷേധം. നേരത്തെ കമല്‍ ഹാസന്‍ നടത്തിയ ഒരു പ്രസ്താവനയ്‌ക്കെതിരെ അണ്ണാമലൈ ആഞ്ഞടിച്ചിരുന്നു. കമല്‍ഹാസനെ അണ്ണാമലൈ വിമര്‍ശിച്ചത് കറുത്ത നിറമുള്ള അണ്ണാമലൈയേക്കാള്‍ സുന്ദരനായതുകൊണ്ടാണെന്നും നടി വിനോദിനി പ്രസ്താവിച്ചിരുന്നു. അണ്ണാമലൈയ്ക്ക് ആത്മരതിയുടെ പ്രവണതകള്‍ ഉണ്ടെന്നും അദ്ദേഹം കറുത്തതായതിന്റെ അപകര്‍ഷതാബോധമുള്ളയാള്‍ ആണെന്നും അതിനാല്‍ അണ്ണാമലൈയ്ക്ക് ആരുമായും ദീര്‍ഘകാലം സൗഹൃദം തുടരാന്‍ കഴിയില്ലെന്നുമായിരുന്നു നടി വിനോദിനി വൈദ്യനാഥന്റെ ട്വീറ്റ്.
Exactly why I said long back that Annamalai is incapable of making any long lasting friendships or relationships in any arena, political or personal. His deep rooted narcissistic tendencies coupled with an inferiority complex born of lack of looks, talent or personality, an…
— Vinodhini Vaidynathan (@VinodhiniUnoffl) April 8, 2024
ബിജെപി ജയിച്ചാല്‍ രാജ്യതലസ്ഥാനം ദല്‍ഹിയില്‍ നിന്നും ആര്‍എസ്എസ് ആസ്ഥാനമായ നാഗ് പൂരിലേക്ക് മാറ്റുമെന്ന് കമല്‍ഹാസന്‍ കഴിഞ്ഞ ദിവസം പ്രസംഗിച്ചിരുന്നു. കമല്‍ ഹാസനെ ഉടനെ ഡോക്ടറെ കാണിക്കണമെന്നും തലയ്‌ക്ക് സ്ഥിരതയില്ലാത്തവര്ക്ക് മാത്രമേ ഇത്തരമൊരു പരാമര്‍ശം നടത്താന്‍ കഴിയൂ എന്നും അണ്ണാമലൈ തിരിച്ചടിച്ചിരുന്നു.
ഇതില്‍ ഇടപെട്ടാണ് നടി വിനോദിനി അണ്ണാമലൈയ്‌ക്കെതിരെ ബോഡി ഷെയിമിംഗ് നടത്തിയത്. ഇപ്പോള്‍ നടി വിനോദിനിക്കെതിരെ കടുത്ത സൈബര്‍ ആക്രമണം നടക്കുകയാണ്.
