ന്യൂദല്ഹി: കോണ്ഗ്രസിൽ നിന്ന് രാജിവെച്ച ദേശീയ വക്താവ് ഗൗരവ് വല്ലഭ് ബിജെപിയില് ചേർന്നു. കോണ്ഗ്രസ് പ്രാഥമികാംഗത്വം ഉള്പ്പടെ രാജിവെച്ച് മണിക്കൂറുകള്ക്കകമാണ് ബിജെപി പ്രവേശം. ദല്ഹിയില് ബിജെപി ആസ്ഥാനത്ത് എത്തിയാണ് ഗൗരവ് വല്ലഭ് പാര്ട്ടി അംഗത്വം സ്വീകരിച്ചത്.
കോണ്ഗ്രസിന്റെ ദിശാബോധമില്ലായ്മയില് അസ്വസ്ഥനെന്ന് വ്യക്തമാക്കിയായിരുന്നു ഗൗരവിന്റെ രാജി. സനാതന വിരുദ്ധ മുദ്രാവാക്യങ്ങള് വിളിക്കാനോ രാജ്യത്തിന്റെ സമ്പത്ത് വര്ധിപ്പിക്കുന്നവരെ ആക്ഷേപിക്കാനോ താല്പര്യമില്ല. പാര്ട്ടിയുടെ പ്രാഥമികാംഗത്വം ഉള്പ്പടെ എല്ലാ പദവികളില് നിന്നും രാജിവെക്കുന്നുവെന്നും ഗൗരവ് എക്സില് പ്രതികരിക്കുകയും ചെയ്തിരുന്നു.
എഐസിസി അധ്യക്ഷ തെരഞ്ഞെടുപ്പില് മല്ലികാര്ജുന് ഖാര്ഗെയുടെ പ്രചാരണത്തിന് ചുക്കാന് പിടിച്ചതും അദ്ദേഹമായിരുന്നു. 2023ല് രാജസ്ഥാനിലെ ഉദയ്പൂരില് നിന്ന് നിയമസഭയിലേക്ക് മത്സരിച്ചെങ്കിലും പരാജയപ്പെട്ടിരുന്നു.
പ്രതികരിക്കാൻ ഇവിടെ എഴുതുക: