തൃശൂര്‍ :വാടാനപ്പള്ളിയില്‍ 20 കിലോ കഞ്ചാവുമായി രണ്ടു പേര്‍ പിടിയില്‍.കാറില്‍ കടത്താന്‍ ശ്രമിക്കവെയാണ് ഇവരെ കഞ്ചാവുമായി പിടികൂടിയത്.
രഹസ്യ വിവരത്തെ തുടര്‍ന്ന് തൃശൂര്‍ റൂറല്‍ ഡന്‍സാഫ് ടീമും വാടാനപ്പള്ളി പൊലീസും സംയുക്തമായി നടത്തിയ വാഹന പരിശോധനയിലാണ് കഞ്ചാവ് പിടികൂടിയത്.
തൃശൂര്‍ അരനാട്ടുകര ലാലൂര്‍ സ്വദേശികളായ ആലപ്പാട്ട് പൊന്തോക്കന്‍ ജോസ് (43), കാങ്കളത്ത് സുധീഷ് (33) എന്നിവരെയാണ് പിടികൂടിയത്. തീരദേശമേഖലയില്‍ വിതരണം ചെയ്യാനാണ് ഇവര്‍ കഞ്ചാവ് കൊണ്ടുവന്നതെന്ന് പൊലീസ് പറഞ്ഞു.ആന്ധ്രപ്രദേശില്‍ നിന്നാണ് കഞ്ചാവ് എത്തിച്ചത്.
കൊരട്ടിയില്‍ രണ്ട് വര്‍ഷം വര്‍ഷം മുമ്പ് 210 കിലോ കഞ്ചാവ് പിടികൂടിയ കേസിലെ പ്രതിയാണ് ജോസ്.
