ടോക്കിയോ: ജപ്പാന്റെ സമ്പദ്‌വ്യവസ്ഥയില്‍ അപ്രതീക്ഷിത ഇടിവാണ് ഉണ്ടായത്. ഇതോടെ രാജ്യം മാന്ദ്യത്തിലേക്ക് പോകുന്ന സാഹചര്യമാണ് ലോകം സാക്ഷ്യം വഹിക്കുന്നത്. പ്രതിസന്ധിയെ തുടര്‍ന്ന് മൂന്നാം വലിയ സമ്പദ്‌വ്യവസ്ഥ എന്ന സ്ഥാനം നിലവില്‍ ജര്‍മ്മനിക്ക് ലഭിച്ചിരിക്കുകയാണ്.
2023 ലെ അവസാന മൂന്ന് മാസങ്ങളില്‍ മൊത്ത ആഭ്യന്തര ഉല്‍പ്പാദനം(ജിഡിപി) 0.4 ശതമാനം എന്ന വാര്‍ഷിക വേഗതയിലേക്ക് ചുരുങ്ങിയെന്ന് കാബിനറ്റ് ഓഫീസാണ് വ്യാഴാഴ്ച അറിയിച്ചു. ഒരു സാങ്കേതിക മാന്ദ്യം പലപ്പോഴും യഥാര്‍ത്ഥ ജിഡിപിയിലെ നെഗറ്റീവ് വളര്‍ച്ചയുടെ തുടര്‍ച്ചയായ രണ്ട് പാദങ്ങളായാണ് നിര്‍വചിക്കപ്പെടുന്നത്.
ജാപ്പനീസ് ഉപഭോക്താക്കള്‍ ഭക്ഷണം, ഇന്ധനം, മറ്റ് വസ്തുക്കള്‍ എന്നിവയ്‌ക്ക് ഉയര്‍ന്ന വിലയുമായി പോരാടുന്നതിനാല്‍, സമ്പദ്‌വ്യവസ്ഥയുടെ പകുതിയോളം വരുന്ന സ്വകാര്യ ഉപഭോഗം 0.2 ശതമാനം കുറഞ്ഞു. ജപ്പാന്‍ അതിന്റെ ഊര്‍ജ്ജ ആവശ്യകതയുടെ 94 ശതമാനവും ഭക്ഷണത്തിന്റെ 63 ശതമാനവും ഇറക്കുമതി ചെയ്യുകയാണ്. ഇതാണ് സാമ്പത്തിക ഞെരുക്കത്തിലേക്ക് നയിക്കുന്നത്.
അതേസമയം, ജര്‍മ്മനിയുടെ ചഞ്ചലമായ സമ്പദ്‌വ്യവസ്ഥക്ക് ജപ്പാന്‍ പകരക്കാരനാകാന്‍ സാധിക്കില്ല എന്നത് ഉറപ്പാണ്. അതുകൊണ്ടുതന്നെയാണ് അനര്‍ മൂന്നാം വലിയ സമ്പദ്‌വ്യവസ്ഥയായതിന് വേണ്ടത്ര പ്രധാന്യം ലഭിക്കാത്തത്. പണപ്പെരുപ്പം, കുതിച്ചുയരുന്ന ഊര്‍ജ വിലകള്‍, വളര്‍ച്ച മുരടിപ്പ് എന്നിവയ്‌ക്കിടയിലാണ് ജര്‍മ്മനി.
ഐഎംഎഫ് കണക്കുകള്‍ പ്രകാരം, 2026 ല്‍ ജപ്പാനെയും 2027 ല്‍ ജര്‍മ്മനിയെയും മറികടക്കാന്‍ പോകുന്ന സമ്പദ്‌വ്യവസ്ഥയെ ഇന്ത്യയുമായി താരതമ്യപ്പെടുത്തുമ്പോള്‍, പ്രായമാകുന്ന ജനസംഖ്യയും പ്രകൃതി വിഭവങ്ങളുടെ ദൗര്‍ലഭ്യവും കയറ്റുമതിയിലും കാറുകളിലുമുള്ള അവരുടെ ആശ്രയത്വവും പൊതുവായുള്ള സമ്പദ്‌വ്യവസ്ഥകളാണ് രണ്ടും. 2026 ല്‍ ജപ്പാനെയും 2027 ല്‍ ജര്‍മ്മനിയെയും മറികടക്കാന്‍ ഭാരതത്തിന് സാധിക്കുമെന്ന് ഐഎംഎഫ് കണക്കുകള്‍ പറയുന്നതും അതുകൊണ്ടാണ്.
