കോട്ടയം: കേരളാ സാംബവര് സൊസൈറ്റി സംസ്ഥാനക്കമ്മറ്റിയുടെ ആഭിമുഖ്യത്തില് രജിസ്റ്റര് ചെയ്തിട്ടുള്ള ബോധി സ്വയം സഹായ സംഘത്തിന്റെ സംസ്ഥാനതല ഉത്ഘാടനം 13ന് 3ന് കോട്ടയം തിരുനക്കര മൈതാനത്ത് എസ്എന്ഡിപിയോഗം ജനറല് സെക്രട്ടറി വെള്ളാപ്പള്ളി നടേശന് നിര്വ്വഹിക്കും. ഉദ്ഘാടന സമ്മേളനത്തില് ബോധി സ്വയംസഹായ സംഘത്തിലെ അയ്യായിരത്തിലധികം അംഗങ്ങള് പങ്കെടുക്കും. പൊതു സമ്മേളനത്തില് കേരളാ സാംബവര് സൊസൈറ്റി സംസ്ഥാന പ്രസിഡന്റ് എം.വി. ജയപ്രകാശ് അദ്ധ്യക്ഷത വഹിക്കും. ജനറല് സെക്രട്ടറി ഐ. ബാബു കുന്നത്തൂര് സ്വാഗതം ആശംസിക്കും. വെള്ളാപ്പള്ളി നടേശന് സാംബവ സമുദായ സംഘടനയുടെ സ്ഥാപക നേതാവും സമുദായ ആചാര്യനുമായ കാവാരികുളം കണ്ഠന് കുമാരന്റെ ഛായാചിത്രം ബോധിസ്വയംസഹായ സംഘം പ്രസിഡന്റും കേരളാ സാംബവര് സൊസൈറ്റി ഓര്ഗനൈസിംഗ് സെക്രട്ടറിയുമായ പി.എന്. പുരുഷോത്തമന് സമര്പ്പിക്കും. തുടര്ന്ന് ബോധി സ്വയം സഹായ സംഘത്തിന്റെ ലോഗോ പട്ടികജാതി/ വര്ഗ്ഗ സംയുക്തസമിതിയുടെയും കെപിഎംഎസിന്റെയും ജനറല് സെക്രട്ടറിയായ ടി.വി. ബാബു പ്രകാശനം ചെയ്യും. ബോധി സ്വയംസഹായ സംഘത്തിന്റെ മാനേജിംഗ് ഡയറക്ടര് രാഘവന് കേദാരം ലോഗോ അദ്ദേഹത്തിന് കൈമാറും.
കേരള ധീവര മഹാസഭ പ്രസിഡന്റ് സ്വാമി ഘോരഖ് നാഥ് അനുഗ്രഹ പ്രഭാഷണം നടത്തും. എസ്എന്ഡിപി യോഗം കോട്ടയം യൂണിയന് പ്രസിഡന്റ് എ.ജി. തങ്കപ്പന് സ്വയം സഹായ സംഘത്തിന്റെ ആദ്യ സര്ട്ടിഫിക്കറ്റ് വിതരണം ചെയ്യും. കെപിഎംഎസ് പ്രസിഡന്റ് എന്.കെ. നീലകണ്ഠന് മാസ്റ്റര്, സാംബവര് സൊസൈറ്റി സംസ്ഥാന രക്ഷാധികാരി വെണ്ണിക്കുളം മാധവന് എന്നിവര് മുഖ്യപ്രഭാഷണങ്ങള് നടത്തും. സാംബവര് സൊസൈറ്റി സംസ്ഥാന നേതാക്കളായ ടി.കെ. ചാരു, ടി.ഐ. ചന്ദ്രന്, പപ്പന് വെണ്മേനാട്, എം.ജി. രാമചന്ദ്രന്, എം.കെ. ശിവന്കുട്ടി, കെ.കെ. കുമാരന്, വനിതാ വിഭാഗം സംസ്ഥാന നേതാക്കളായ ഭാനുമതി ജയപ്രകാശ്, കെ. ലേഖ എന്നിവര് പ്രസംഗിക്കും. പത്രസമ്മേളനത്തില് രക്ഷാധികാരി വെണ്ണിക്കുളം മാധവന്, സംസ്ഥാന പ്രസിഡന്റ് എം.വി. ജയപ്രകാശ്, ജനറല് സെക്രട്ടറി ഐ. ബാബു കുന്നത്തൂര്, ബോധി സ്വയംസഹായസംഘം പ്രസിഡനറ് പി.എന്. പുരുഷോത്തമന്, വനിതാസമാജം പ്രസിഡന്റ് ഭാനുമതി ജയപ്രകാശ്, സംസ്ഥാന രജിസ്റ്റ്രാര് ടി.ഐ. ചന്ദ്രന്, മാനേജിംഗ് ഡയറക്ടര് രാഘവന് കേദാരം, ബോധി സ്വയംസഹായസംഘം സെക്രട്ടറി കെ.കെ. കുമാരന്, സംസ്ഥാന എക്സിക്യൂട്ടീവ് അംഗം പി.ആര്. ബാലന്, ജില്ലാ സെക്രട്ടറി സി.ജെ. ബാബു, ജില്ലാ ജോയിന്റ് കണ്വീനര് എം.സി. പ്രഭാകരന് എന്നിവര് പങ്കെടുത്തു.
