കോട്ടയം: മദ്യവിമുക്ത ഓണത്തിനായി യുവജന മുന്നേറ്റം എന്ന മുദ്രാവാക്യവുമായി യുവമോര്ച്ച കോട്ടയം ജില്ലാ കമ്മറ്റിയുടെ നേതൃത്വത്തില് കോട്ടയത്തെ മുഴുവന് ബീവറേജസ് ഔട്ട്ലെറ്റ് ഷോപ്പുകളിലേക്കും മാര്ച്ച് നടത്തി. യുവമോര്ച്ചയുടെ ശക്തമായ പ്രതിഷേധത്തെത്തുടര്ന്ന് ബിവറേജസ് ഔട്ട്ലെറ്റ് ഷോപ്പുകള് അടച്ചു. പ്രതിഷേധവുമായി എത്തിയ യുവമോര്ച്ച പ്രവര്ത്തകര് മറ്റ് താഴ് ഇട്ട് ഷോപ്പുകള് പൂട്ടി. ഓണക്കാലത്ത് മദ്യവില്പ്പന വളരെയധികം കൂടുതലാണെന്നും അതിലൂടെ സാധാരണക്കാരായ ജനങ്ങളെ കൊള്ളയടിക്കുന്ന സര്ക്കാരുകള്ക്കെതിരെ വരുംനാളുകളില് ശക്തമായ സമരപരിപാടികള് നടത്തുമെന്ന് പ്രതിഷേധ സമരം ഉദ്ഘാടനം ചെയ്തുകൊണ്ട് യുവമോര്ച്ച സംസ്ഥാന സെക്രട്ടറി ലിജിന്ലാല് പറഞ്ഞു. അത്തം മുതല് ചതയം വരെ സമ്പൂര്ണ്ണ മദ്യനിരോധനം വേണമെന്നും അദ്ദേഹം ആവശ്യപ്പെട്ടു.
യുവമോര്ച്ച ജില്ലാ പ്രസിഡന്റ് എസ്.രതീഷ് അദ്ധ്യക്ഷതവഹിച്ച പ്രതിഷേധ മാര്ച്ചില് ജില്ലാ ജനറല് സെക്രട്ടറി അഖില് രവീന്ദ്രന്, ബിജെപി കോട്ടയം നിയോജകമണ്ഡലം പ്രസിഡന്റ് സി.എന്.സുബാഷ്, വി.പി.മുകേഷ്, ലാല്കൃഷ്ണ, ജില്ലാ ട്രഷറര് ഷൈന്മോന്, ജയകൃഷ്ണന്, കെ.എസ്.ഗോപന്, വിനയകുമാര്, ഹരി.എം.നായര്, രൂപേഷ് , ദീപൂ, അഭിലാഷ് ശ്രീനിവാസന്, സന്ദീപ് എസ്.ജെ., രാജീവ് തുടങ്ങിയവര് സംസാരിച്ചു.
