എരുമേലി: രാഷ്ട്രത്തെ രക്ഷിക്കാന് തയ്യാറെടുപ്പ് നടത്തുമ്പോള് ദേശഭക്തിയുടെ കാര്യത്തില് ഇച്ഛാശക്തി ഉണ്ടാവണമെന്ന് മേജര് ലാല്കൃഷ്ണ. എരുമേലിയില് ബാലഗോകുലത്തിന്റെ ആഭിമുഖ്യത്തില് നടത്തിയ സ്വാതന്ത്ര്യ ദിനാഘോഷവും വിമുക്തഭടന്മാരെ ആദരിക്കല് ചടങ്ങും ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. രാജ്യത്തിന്റെ രക്ഷയും ജനങ്ങളുടെ സംരക്ഷണയും എന്നും കാത്തു സൂക്ഷിക്കേണ്ടതുണ്ട്. അതിര്ത്തികള് കാക്കുന്ന ധീര യോദ്ധാക്കളെപ്പോലെ ജനങ്ങളും രാഷ്ട്ര ഭക്തിയുള്ളവരായി വളരേണ്ടത് അനിവാര്യമാണെന്നും അദ്ദേഹം പറഞ്ഞു.
ബാലഗോകുലം താലൂക്ക് പ്രസിഡന്റ് കെ.കെ. രാജന് അദ്ധ്യക്ഷത വഹിച്ചു. വാഴൂര് തീര്ത്ഥപാദാശ്രമം കാര്യദര്ശി സ്വാമി ഗരുഡധ്വജാനന്ദ തീര്ത്ഥപാദസ്വാമികള് അനുഗ്രഹ പ്രഭാഷണം നടത്തി. ബാലഗോകുലം സംസ്ഥാന സെക്രട്ടറി കെ.എന്. സജികുമാര് മുഖ്യ പ്രഭാഷണം നടത്തി. മേഖല കാര്യദര്ശി ബിജു കൊല്ലപ്പള്ളി സ്വാതന്ത്ര്യദിന സന്ദേശം നല്കി. ആര്എസ്എസ് എരുമേലി താലൂക്ക് കാര്യവാഹ് വി.ആര്. രതീഷ് അന്തരിച്ച മുന്രാഷ്ട്രപതി ഡോ. എപിജെ അബ്ദുള് കലാം അനുസ്മരണം നടത്തി. പഞ്ചായത്തിലെ വിമുക്ത ഭടന്മാരെ ആദരിച്ചു.
ബിജി കല്യാണി, ടി.കെ. കൃഷ്ണന്കുട്ടി, കെ.സി. രമണിയമ്മ, രാഗിണി, ശ്രീകല പ്രമോദ്, ചെമ്പകവല്ലി, എ.ജി. അനില്, വിഷ്ണുഗോപാല്, ഹരി പുഷ്പവിലാസം, ഹരികൃഷ്ണന് കനകപ്പലം, രേവതി എസ്. രാജ്, കെ.ബി. ഗായത്രി, സി.ആര്. ശ്യാം, വിദ്യ അജികുമാര്, അനിത കെ.ബി., അമല് വിനോദ്, ബാലഗോകുലം ജില്ലാ സെക്രട്ടറി എം.ആര്. രാജേഷ്, സംഘടനാ സെക്രട്ടറി ഹരിപ്രസാദ്, കിരണ് സതീഷ്, വി.പി. സുനില്കുമാര് എന്നിവര് നേതൃത്വം നല്കി.
