രാഹുല്‍ ഗാന്ധി എന്ന തള്ളിമാറ്റല്‍ വിദഗ്ധന്‍ ഗോവയിലും അതു തന്നെ ചെയ്തു

ന്യൂദല്‍ഹി: രാഹുല്‍ ഗാന്ധിയ്‌ക്ക് പപ്പുവെന്ന പഴയ വിളിപ്പേരിനൊപ്പം പുതിയൊരു പേര് കൂടി എത്തിയിരിക്കുന്നു.  പുതിയ പേര് തള്ളിമാറ്റല്‍ വിദഗ്ധര്‍ എന്നാണ്. പുഷ് മാന്‍ എന്നാണ് ഇംഗ്ലീഷിലെ പരിഹസിച്ചുകൊണ്ടുള്ള വിളിപ്പേര്.

𝐃𝐲𝐧𝐚𝐬𝐭𝐲 𝐅𝐢𝐫𝐬𝐭. 𝐃𝐢𝐠𝐧𝐢𝐭𝐲 𝐋𝐚𝐬𝐭.

During Rahul's Goa yatra, senior Goa Congress leaders were brushed aside like extras on a film set. One was literally shoved by the cameraman. Not by accident, not by a rival party, but by his own people, so the prince could… pic.twitter.com/uvjE0DgXkw

— BJP (@BJP4India) October 19, 2026

കഴിഞ്ഞ ദിവസം ഗ്യാനേഷ് കുമാറിന്റെ രാജി ആവശ്യപ്പെട്ട് സുപ്രിംകോടതിയിലേക്ക് കോണ്‍ഗ്രസ് മാര്‍ച്ച് നടത്തിയപ്പോള്‍ കോണ്‍ഗ്രസിന് വേണ്ടി ആ വാര്‍ത്ത ചെയ്യാന്‍ എത്തിയ ഗര്‍ഭിണിയായ മാധ്യമപ്രവര്‍ത്തകയെ രാഹുല്‍ ഗാന്ധി തന്നെ തള്ളിത്താഴെയിടുകയായിരുന്നു. ഈ വിവാദത്തില്‍ രാഹുല്‍ ഗാന്ധിയ്‌ക്കെതിരെ നീതി തേടി കോടതിയെ സമീപിച്ചിരിക്കുകയാണ് വനിതാ മാധ്യമപ്രവര്‍ത്തക.

സ്വയം രാജാവാണെന്ന വിചാരത്തില്‍ ജീവിക്കുന്നതാണ് രാഹുല്‍ ഗാന്ധിയുടെ പ്രശ്നമെന്ന് പറയുന്നു. അതുകൊണ്ട് തന്നെ തനിക്ക് ചുറ്റുമുള്ളവരെയെല്ലാം പ്രജകളായോ മൂന്നാം കിട പൗരന്മാരായോ മാത്രമേ രാഹുല്‍ ഗാന്ധിയ്‌ക്ക് കാണാന്‍ സാധിക്കൂ. അത് രാഹുല്‍ ഗാന്ധിയുടെ രക്തത്തില്‍ അലിഞ്ഞുചേര്‍ന്ന സ്വഭാവമാണ്.

കര്‍ണ്ണാടകയില്‍ കുറച്ചുമാസം മുന്‍പ് നടന്ന ഒരു പ്രതിഷേധ സമരത്തിനിടയില്‍ കർണാടക മുഖ്യമന്ത്രി ഡി.കെ.ശിവകുമാറിനെ കുർത്ത പിടിച്ചുവലിച്ചാണ് രാഹുല്‍ ഗാന്ധി പിന്നിലേക്ക് തള്ളിയത്. ഇതിന്റെ വീഡിയോ അന്ന് വൈറലായിരുന്നു. കേരള മുഖ്യമന്ത്രി വി.ഡി. സതീശന്‍ രാഹുല്‍ ഗാന്ധിയുള്ള വേദിയില്‍ പലപ്പോഴും രാഹുല്‍ ഗാന്ധിയില്‍ നിന്നും കയ്യകലത്തിനപ്പുറം അകന്നു നില്‍ക്കുന്നതും ഇത്തരം അപകടങ്ങള്‍ ഒഴിവാക്കാനാണത്രെ.

കഴിഞ്ഞ ദിവസം ഗോവയിലും ഗ്യാനേഷ് കുമാറിന്റെ രാജി ആവശ്യപ്പെട്ട് കോണ്‍ഗ്രസ് മാര്‍ച്ച് നടത്തിയിരുന്നു. ഇതിലും പ്രായമേറിയ തലമുതിര്‍ന്ന കോണ്‍ഗ്രസ് നേതാക്കളെ തള്ളിമാറ്റി മുന്നിലേക്ക് വരുന്ന രാഹുല്‍ ഗാന്ധിയുടെ വീഡിയോ വലിയ ട്രോളുകള്‍ക്ക് കാരണമായിരിക്കുന്നു. സമൂഹമാധ്യമങ്ങളില്‍ രാഹുല്‍ ഗാന്ധിയ്‌ക്കെതിരെ വന്‍തോതില്‍ പരിഹാസം ഉയരുന്നുണ്ട്. കഴിഞ്ഞ ദിവസം സുപ്രിംകോടതിയിലേക്ക് നടത്തിയ മാര്‍ച്ചില്‍ തന്റെ മുന്നില്‍ നടന്നിരുന്ന പ്രിയങ്കയേയും നേഹ ബോറയെയും രാഹുല്‍ ഗാന്ധി തള്ളി മാറ്റുന്ന വീഡിയോയും വലിയ വിമര്‍ശനങ്ങള്‍ക്ക് കാരണമായിരുന്നു. ക്യാമറയുടെ മുഴുവന‍് ശ്രദ്ധയും തന്റെ മേല്‍ ആയിരിക്കണമെന്നതാണ് രാഹുല്‍ ഗാന്ധിയുടെ നയം.