ആലപ്പുഴ:സിപിഎമ്മുമായി കോണ്‍ഗ്രസ് പാര്‍ട്ടിയുടെ കൂട്ടുകെട്ട് അവസാനിപ്പിക്കണമെന്നും, ഇത്തരം ‘കൂട്ടുകച്ചവടങ്ങള്‍’ വലിയ അഴിമതികള്‍ക്ക് വഴിതെളിക്കുന്നെന്നും അമ്പലപ്പുഴ എംഎല്‍എ ജി സുധാകരന്. പൊതുവേദിയില്‍ ആഭ്യന്തരമന്ത്രി രമേശ് ചെന്നിത്തല ഇരിക്കവെയാണ് അദ്ദേഹം വിമര്‍ശനമുന്നയിച്ചത്.
സിപിഎം നേതൃത്വത്തിനും എല്‍ഡിഎഫ് കൗണ്‍സിലര്‍മാര്‍ക്കുമെതിരെയാണ് സുധാകരന് കടുത്ത ആരോപണങ്ങള്‍ ഉന്നയിച്ചത്. ആലപ്പുഴ നഗരസഭയിലെ എല്‍ഡിഎഫ് കൗണ്‍സിലര്‍മാര്‍ തനിക്കെതിരെ ഗൂഢാലോചന നടത്തുകയാണ്. നഗരസഭയില്‍ തനിക്കെതിരെ പ്രതിഷേധം നടക്കാന്‍ സാധ്യതയുണ്ടെന്ന് മുന്‍കൂട്ടി അറിഞ്ഞിട്ടും ആ വിവരം തന്നെ അറിയിക്കുന്നതില്‍ ചെന്നിത്തലയുടെ കീഴിലുള്ള പൊലീസ് വീഴ്ച വരുത്തിയെന്നും സുധാകരന് പറഞ്ഞു.
അതേസമയം, ജി സുധാകരന് രമേശ് ചെന്നിത്തല പൂര്‍ണ പിന്തുണ പ്രഖ്യാപിച്ചു. ജനങ്ങള്‍ തെരഞ്ഞെടുത്ത് ഉയര്‍ത്തിക്കൊണ്ടുവന്ന ഒരു മുതിര്‍ന്ന നേതാവിനെ എവിടെച്ചെന്നാലും കരിങ്കൊടി കാട്ടി അധിക്ഷേപിക്കുന്നത് ജനാധിപത്യപരമായ നടപടിയല്ലെന്ന് ചെന്നിത്തല പറഞ്ഞു.ജി സുധാകരനെ അപമാനിക്കാനും ആക്ഷേപിക്കാനുമുള്ള നീക്കങ്ങളില്‍ നിന്ന് സിപിഎം പിന്തിരിയണം. കോണ്‍ഗ്രസിന്റെ പൂര്‍ണ പിന്തുണ ജി സുധാകരന് ഉണ്ട്.
സുധാകരന് ഉന്നയിച്ച കൂട്ടുകച്ചവട ആരോപണത്തെക്കുറിച്ച് തനിക്ക് അറിവില്ല.എക്‌സാലോജിക് കേസില്‍ നിയമം നിയമത്തിന്റെ വഴിക്ക് തന്നെ പോകുമെന്നും ഓരോ ദിവസം കഴിയുന്തോറും ഇതിലെ സത്യങ്ങള്‍ പുറത്തുവരികയും ജനങ്ങള്‍ക്ക് കാര്യം ബോധ്യപ്പെടുകയും ചെയ്യുമെന്നും രമേശ് ചെന്നിത്തല വ്യക്തമാക്കി.
