ഗംഗാജലം പിടിച്ചെടുക്കുമെന്ന ഭീഷണി ബംഗ്ലാദേശില്‍ മുഴങ്ങുമ്പോള്‍

ധാക്ക: ചൈനീസ് സഹായത്തോടെ വൻകിട ഡാമുകൾ നിര്‍മ്മിച്ച് ഗംഗയില്‍ നിന്നും വരുന്ന വെള്ളം മുഴുവൻ സംഭരിക്കുകയും നിയന്ത്രിക്കുകയും ചെയ്യുക വഴി ഇന്ത്യയ്‌ക്കുള്ള ഗംഗാജലലഭ്യത കുറയ്‌ക്കാനുള്ള നീക്കവുമായി ബംഗ്ലാദേശ്. പരസ്യമായി ഇങ്ങിനെ പറയുന്നില്ലെങ്കിലും രഹസ്യമായി ഇത്തരം ആലോചനകള്‍ നടക്കുന്നതായി ചില മാധ്യമങ്ങള്‍ പറയുന്നു.

ഇതോടെ ഇന്ത്യയും ബംഗ്ലാദേശും തമ്മില്‍ ഗംഗാനദിയിലെ ജലം ഉപയോഗിക്കുന്നതുമായി ബന്ധപ്പെട്ട് സംഘര്‍ഷത്തിലേക്ക് പോകുമോ? ബിഎന്‍പി ജനറല്‍ സെക്രട്ടറിയും ഗ്രാമീണ വികസന മന്ത്രിയുമായ മിര്‍സ ഫക്രുള്‍ ഇസ്ലാം ആലംഗീര്‍ ആണ് പോര്‍വിളി മുഴക്കുന്നത്. എന്നാല്‍ രമ്യമായി ഈ പ്രശ്നം പരിഹരിക്കാന്‍ കഴിയുമെന്ന ആത്മവിശ്വാസത്തിലാണ് ഇന്ത്യ.

2026 ഡിസംബര്‍ 12ന് ഇന്ത്യയും ബംഗ്ലാദേശും തമ്മിലുള്ള 30 വർഷത്തെ ഗംഗാ ജലക്കരാർ അവസാനിക്കുകയാണ്. കരാർ പുതുക്കുമ്പോൾ തങ്ങൾക്ക് കൂടുതൽ വെള്ളം ബംഗ്ലാദേശിന് നല്‍കിയില്ലെങ്കില്‍ ഇന്ത്യയുമായുള്ള ബന്ധം വഷളാകുമെന്ന രീതിയിലുള്ള ഭീഷണിയാണ് മിര്‍സ ഫക്രുള്‍ ഇസ്ലാം ആലംഗീര്‍ മുഴക്കുന്നത്.

ഇതിനായി അന്താരാഷ്‌ട്ര നദീജല നിയമങ്ങൾ (International Water Laws) ഉയര്‍ത്തിക്കാട്ടുകയാണ് ബംഗ്ലാദേശ്. ഇതനുസരിച്ച് താഴെയുള്ള രാജ്യത്തിന് (Lower Riparian) വെള്ളം നിഷേധിക്കാൻ മുകളിലുള്ള രാജ്യത്തിന് (Upper Riparian) പൂർണ്ണമായി കഴിയില്ല. ബംഗ്ലാദേശാണ് താഴെയുള്ള രാജ്യം. ഇന്ത്യയില്‍ നിന്നാണ് ബംഗ്ലാദേശിലേക്ക് ഗംഗ ഒഴുകുന്നത്. ഈ ഒഴുക്ക് തടയാന്‍ കഴിയില്ലെങ്കിലും അന്താരാഷ്‌ട്ര നദീജല നിയമങ്ങളും ഒപ്പം ചൈനയുടെ പിന്തുണയും കാണിച്ച് ഇന്ത്യക്കുമേൽ വലിയ രാഷ്‌ട്രീയസമ്മര്‍ദ്ദം ചെലുത്തി കൂടുതൽ ജലം നിയമപരമായി നേടിയെടുക്കുക എന്നതാണ് ബംഗ്ലാദേശിന്റെ തന്ത്രം.

ഉടക്കിയാല്‍ ബംഗ്ലാദേശിന് ഇന്ത്യയില്‍ കൊല്‍ക്കൊത്ത ഭാഗത്ത് വെള്ളപ്പൊക്കമുണ്ടാക്കാന്‍ കഴിയും

വർഷകാലത്ത് കനത്ത മഴ പെയ്യുമ്പോൾ ബംഗ്ലാദേശ് തങ്ങളുടെ ഡാമുകളുടെയും ബാരേജുകളുടെയും ഷട്ടറുകൾ അടച്ചുപിടിച്ചാൽ, അതിർത്തി പ്രദേശങ്ങളിലെ ഇന്ത്യൻ ഗ്രാമങ്ങളിൽ വെള്ളപ്പൊക്കമുണ്ടാകാൻ സാധ്യതയുണ്ട്. ജലം കെട്ടിനിർത്തിക്കൊണ്ടുള്ള ഇങ്ങനെയുള്ള തന്ത്രപരമായ നീക്കങ്ങളും ഇതിന്റെ ഭാഗമാണ്.

ചൈനീസ് സഹായത്തോടെ വൻകിട ഡാമുകൾ നിര്‍മ്മിച്ച് ഗംഗയില്‍ നിന്നും വരുന്ന വെള്ളം മുഴുവൻ സംഭരിക്കുകയും നിയന്ത്രിക്കുകയും ചെയ്യുക വഴി ഇന്ത്യയ്‌ക്കുള്ള ഗംഗാജലലഭ്യത കുറയ്‌ക്കലാണ് മറ്റൊരു ഭീഷണി. . .

ഭൂമിശാസ്ത്രപരമായി നോക്കിയാൽ ബംഗ്ലാദേശിന് ഇന്ത്യയിൽ നിന്ന് ഒഴുകിവരുന്ന ഗംഗാജലം പൂർണ്ണമായി തടഞ്ഞുനിർത്താനോ ‘പിടിച്ചെടുക്കാനോ’ സാധിക്കില്ല. കാരണം ഗംഗയുടെ ഉത്ഭവവും അതിന്റെ ഭൂരിഭാഗം ഒഴുക്കും ഇന്ത്യയിലൂടെയാണ് (Upper Riparian State). ഇന്ത്യ കഴിഞ്ഞാണ് നദി ബംഗ്ലാദേശിലേക്ക് (Lower Riparian State) പ്രവേശിക്കുന്നത്.എങ്കിലും അന്താരാഷ്‌ട്ര നദീനിയമം അനുസരിച്ച് ഇന്ത്യയ്‌ക്ക് ഗംഗാജലം ബംഗ്ലാദേശിലേക്ക് ഒഴുകുന്നത് തടയാനും കഴിയില്ല.