കോട്ടയം: പാലാ നഗരസഭയുടെ പുതിയ ചെയര്പേഴ്സണായി 21 കാരി ദിയ ബിനു പുളിക്കക്കണ്ടം നാളെ സ്ഥാനമേല്ക്കുമ്പോള് അതൊരു ചരിത്രമാകും. ഇന്ത്യയിലെത്തന്നെ ഏറ്റവും പ്രായം കുറഞ്ഞ നഗരസഭാധ്യക്ഷയെന്ന ബഹുമതിയിലേക്കാണ് ദിയ നടന്നടുക്കുന്നത്. സ്വതന്ത്ര കൂട്ടായ്മയെ നയിക്കുന്ന അഡ്വ. ബിനു പുളിക്കക്കണ്ടത്തിന്റെ മകളാണ് ബി എ ബിരുദധാരിയായ ദിയ. ചെന്നൈയില് നിന്ന് ബിരുദം പൂര്ത്തിയാക്കി എംബി.എ പഠനത്തിന് തയ്യാറെടുക്കുന്നതിനിടെയാണ് പിതാവിനും പിതൃസഹോദരന് ബിജു പുളിക്കക്കണ്ടത്തിനുമൊപ്പം സ്വതന്ത്രയായി മല്സരരംഗത്തെത്തുന്നതും വിജയം വരിക്കുന്നതും. ബി.ജെ.പി, സിപി എം. പാര്ട്ടികളെ പ്രതിനിധീകരിച്ച് മുന്പ് പാലാ നഗരസഭയിലേക്ക് തെരഞ്ഞെടുക്കപ്പെട്ടിട്ടുള്ള ബിനു പുളിക്കക്കണ്ടം അഞ്ചാമതു തവണയാണ് കൗണ്സിലറാകുന്നത്. പാലാ മുരിക്കുംപുഴ എന്. എസ്. എസ് കരയോഗം യൂണിയന് കമ്മറ്റി അംഗവുമാണ് ബിനു.
ഇന്ത്യയിലെ ഏറ്റവും പ്രായം കുറഞ്ഞ നഗരസഭാ അധ്യക്ഷയാകാന് 21 കാരി ദിയ ബിനു പുളിക്കക്കണ്ടം
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.