കണ്ണൂര്‍: കരുണാകരന്‍ ഭരിക്കുന്ന കാലത്ത് ഗുരുവായൂരില്‍ തിരുവാഭരണം നഷ്ടപ്പെട്ടിട്ട് ഇതുവരെ ഒരു തരി തിരിച്ചുകിട്ടിയിട്ടില്ലെന്ന് സി പി എം സംസ്ഥാന സെക്രട്ടറി എം വി ഗോവിന്ദന്‍.ആ തിരുവാഭാരണം എവിടെപ്പോയെന്നും അദ്ദേഹം ചോദിച്ചു.സ്വര്‍ണക്കൊള്ളയില്‍ പാര്‍ട്ടി നടപടിയുണ്ടാകും. മുഖം രക്ഷിക്കാന്‍ നടപടി എടുക്കേണ്ട കാര്യം സിപിഎമ്മിന് ഇല്ലെന്നും എം വി ഗോവിന്ദന്‍.
പയ്യന്നൂരില്‍ പൊലീസിനെ ബോംബറിഞ്ഞ കേസില്‍ ശിക്ഷിക്കപ്പെട്ടയാളെ സ്ഥാനാര്‍ത്ഥിയാക്കിയത് അവരും പാര്‍ട്ടിയുടെ മുഖമാണെന്നതിനാലാണ്.ശിക്ഷിക്കപ്പെട്ടവര്‍ തെരഞ്ഞെടുപ്പില്‍ മത്സരിക്കുന്നതില്‍ തെറ്റില്ല. അവരും കൂടി ചേര്‍ന്നതാണ് പാര്‍ട്ടി. ശിക്ഷാവിധിക്കെതിരെ സമീപിക്കാന്‍ മേല്‍ക്കോടതിയുണ്ടെന്നും സി പി എം സംസ്ഥാന സെക്രട്ടറി പറഞ്ഞു.
രാഹുല്‍ മാങ്കൂട്ടത്തിലിനെ കിട്ടിയാലേ പിടിക്കാന്‍ പറ്റൂ. രാഹുലിനെ കോണ്‍ഗ്രസ് പിന്തുണയോടെ ഒളിപ്പിച്ചാലും പിടിക്കും. ശുഭപ്രതീക്ഷയോടെ ഇരിക്കൂവെന്നും എം വി ഗോവിന്ദന്‍ പറഞ്ഞു. സ്വര്‍ണ കൊള്ളയില്‍ ഒരാളെയും പാര്‍ട്ടി സംരക്ഷിക്കില്ല.
എല്ലാ തെരഞ്ഞെടുപ്പും സര്‍ക്കാരിന്റെ വിലയിരുത്തല്‍ ആണെന്നും വിലയിരുത്തുന്നതില്‍ തെറ്റില്ലെന്നും എംവി ഗോവിന്ദന്‍.
