റാഞ്ചി : ദക്ഷിണാഫ്രിക്കയ്ക്കെതിരെ ജെഎസ്സിഎ ഇന്റര്നാഷണല് സ്റ്റേഡിയം കോംപ്ലക്സില് നടന്ന ഒന്നാം ഏകദിനത്തില് 17 റണ്സിന്റെ ആവേശ വിജയം നേടി ഇന്ത്യ. ആദ്യം ബാറ്റ് ചെയ്ത ഇന്ത്യ 349/8 എന്ന ശക്തമായ സ്കോര് ഉയര്ത്തി.ദക്ഷിണാഫ്രിക്കയെ 49.2 ഓവറില് 332 റണ്സിന് ഓള് ഔട്ടായി.
ദക്ഷിണാഫ്രിക്കയ്ക്ക് വേണ്ടി മാത്യു ബ്രീറ്റ്സ്കെ 80 പന്തില് 72 റണ്സ് നേടി ടോപ് സ്കോററായി. മാര്ക്കോ യാന്സന് 70 റണ്സും കോര്ബിന് ബോഷ് 67 റണ്സും നേടി. ഇന്ത്യന് ബൗളര്മാര് കൃത്യ സമയത്ത് വിക്കറ്റുകള് വീഴ്ത്തിയാണ് ജയമൊരുക്കിയത്.
കുല്ദീപ് യാദവ് നാല് വിക്കറ്റ് നേടി. ഹര്ഷിത് റാണ മൂന്ന് വിക്കറ്റുകള് വീഴ്ത്തി. അര്ഷ്ദീപ് സിംഗ് രണ്ട് വിക്കറ്റ് നേടി.റയാന് റിക്കെല്ട്ടണ്, ക്വിന്റണ് ഡി കോക്ക് എന്നിവര് പൂജ്യത്തിന് പുറത്തായതോടെ ദക്ഷിണാഫ്രിക്കയ്ക്ക് തുടക്കത്തില് തന്നെ വിക്കറ്റുകള് നഷ്ടപ്പെട്ടു.
വിരാട് കോഹ്ലി 120 പന്തില് 135 റണ്സ് നേടി. കോഹ്ലിയുടെ 52ാം സെഞ്ച്വറിയാണിത്.
