കൊച്ചി: അമ്പരപ്പിക്കുന്ന ചാരുതയും പ്രകടനവും കൊണ്ട് ധൈര്യശാലികള്‍ക്കും ധിക്കാരികള്‍ക്കും വേണ്ടി നിര്‍മ്മിച്ചതെന്ന വിശേഷണവുമായി എത്തിയ റോള്‍സ് റോയ്സ് ബ്ലാക്ക് ബാഡ്ജ് ഗോസ്റ്റ് സീരീസ് II കാറിന്റെ രാജ്യത്തെ ആദ്യ രജിസ്‌ട്രേഷന്‍ കൊച്ചിയില്‍ നടന്നു. ലിറ്റ്മസ് സെവന്‍ സിസ്റ്റംസ് കണ്‍സള്‍ട്ടിംഗ് കമ്പനി ഉടമ വേണു ഗോപാലകൃഷ്ണന്‍ വാങ്ങിയ ഈ ആഢംബര കാറിന്റെ ഓണ്‍റോഡ് വില 16 കോടി രൂപയാണ്. റോഡ് ടാക്‌സ് ഇനത്തില്‍ 2.69 കോടി രൂപയാണ് കഴിഞ്ഞ ദിവസം കാക്കനാട്ടെ ആര്‍ടി ഓഫീസില്‍ അടച്ചത്. സംസ്ഥാനത്ത് ഏറ്റവും വലിയ റോഡ് നികുതിയാണിതെന്ന് കണക്കാക്കപ്പെടുന്നു.
റോള്‍സ്-റോയ്സ് ബ്ലാക്ക് ബാഡ്ജ് ഗോസ്റ്റ് സീരീസ് II വാങ്ങിയ ആദ്യ ഇന്ത്യക്കാരനാണ് കൊച്ചിയിലെ ലിറ്റ്മസ്7 സിസ്റ്റംസ് കണ്‍സള്‍ട്ടിംഗ് പ്രൈവറ്റ് ലിമിറ്റഡിന്റെ മാനേജിംഗ് ഡയറക്ടര്‍ വേണു ഗോപാലകൃഷ്ണനെന്ന് കമ്പനി വൃത്തങ്ങള്‍ അറിയിച്ചു. ഗോസ്റ്റിന്റെ ഏറ്റവും വിലയേറിയ വകഭേദമാണ് ബ്ലാക്ക് ബാഡ്ജ് .
