കൊച്ചി: ജര്‍മനിയിലെ ബോഹുമില്‍ തീപ്പിടിത്തത്തില്‍ മരിച്ച മലയാളികളുടെ മൃതദേഹം വെള്ളിയാഴ്ച നാട്ടിലേക്ക് എത്തിക്കും.മൂന്ന് പേരുടേയും മൃതദേഹങ്ങള്‍ കൊച്ചി വിമാനത്താവളത്തില്‍ എത്തിക്കും.
കൊല്ലം പെരിനാട് ചെമ്മക്കാട് സ്വദേശി അഞ്ജലി എസ് ജോയി (27), എറണാകുളം കാലടി സ്വദേശി സിവിന്‍ ജോണി (26), ഇടുക്കി ഇരട്ടയാര്‍ സ്വദേശി നോവ സാബു (25) എന്നിവരാണ് അപകടത്തില്‍ മരിച്ചത്. അഞ്ജലി, സിവിന്‍ എന്നിവരുടെ മൃതദേഹം പുലര്‍ച്ചെ 1.30ന് എത്തിക്കും.
നോവ സാബുവിന്റെ മൃതദേഹം രാത്രി 8.30നുമാണ് എത്തിക്കുക. ഫ്രാങ്ക്ഫര്‍ട്ടിലെ ഇന്ത്യന്‍ കോണ്‍സുലേറ്റ്, നോര്‍ക്ക എന്നിവയുടെ സജീവമായ ഇടപെടലുകളിലൂടെയാണ് മൃതദേഹങ്ങള്‍ വേഗത്തില്‍ നാട്ടിലെത്തിക്കാനുള്ള നടപടികള്‍ പൂര്‍ത്തിയാക്കിയത്.
