കൊച്ചി : കോടികള് വില വരുന്ന ഹൈബ്രിഡ് കഞ്ചാവുമായി മൂന്നംഗ സംഘം പിടിയില്. കൊച്ചി രാജ്യാന്തര വിമാനത്താവളത്തിലെത്തിയ മൂന്ന് പേരാണ് പിടിയിലായത്. ഇവരില് നിന്നും 1492 ഗ്രാം ഹൈബ്രിഡ് കഞ്ചാവ് കണ്ടെടുത്തു. മലപ്പുറം സ്വദേശി ജംഷീര്, എറണാകുളം സ്വദേശി നിസാമുദ്ദീന്, കോഴിക്കോട് സ്വദേശി മുഹമ്മദ് സക്കീര് എന്നിവരാണ് കസ്റ്റംസിന്റെ പിടിയിലായത്. പിടിച്ചെടുത്ത ലഹരിയ്ക്ക് അന്താരാഷ്ട്ര വിപണിയില് ഏഴ് കോടിയിലേറെ രൂപ വിലവരുമെന്ന് കസ്റ്റംസ് അറിയിച്ചു. കോടതിയില് ഹാജരാക്കിയ പ്രതികളെ റിമാന്ഡ് ചെയ്തു.
