തിരുവനന്തപുരം: ആദിവാസിയായ മന്ത്രിക്ക് ദേവസ്വം വകുപ്പ് ഭരിക്കാന്‍ യോഗ്യതയും അര്‍ഹതയും ഇല്ലേയെന്ന് സിപിഎം നിലപാട് വ്യക്തമാക്കണമെന്ന് ബിജെപി പട്ടികജാതി മോര്‍ച്ച സംസ്ഥാന പ്രസിഡന്റ് ഷാജുമോന്‍ വട്ടേക്കാട് ആവശ്യപ്പെട്ടു.
കെ. രാധാകൃഷ്ണന്‍ വഹിച്ചിരുന്ന വകുപ്പുകളില്‍ നിന്നും ദേവസ്വം വകുപ്പുകള്‍ പുതിയ മന്ത്രിക്കു നല്കാത്തതിന് പിന്നില്‍ സിപിഎമ്മിന്റെ ആദിവാസി വിരുദ്ധതയാണ് വ്യക്തമാകുന്നത്. പട്ടികജാതി, പട്ടിക വര്‍ഗ വകുപ്പ് മാത്രം ഭരിച്ചാല്‍ മതിയെന്ന സിപിഎമ്മിന്റെയും പിണറായി വിജയന്റെയും ധാര്‍ഷ്ട്യമാണ് ഇതിലൂടെ പുറത്തു വരുന്നത്. പുരോഗമനവും നവോത്ഥാനവും വാക്കിലും കടലാസിലും മാത്രമാണെന്ന് സിപിഎം തെളിയിച്ചിരിക്കുകയാണ്. സിപിഎമ്മിന്റെ കപട മുഖം പട്ടികജാതി സമൂഹം തിരിച്ചറിയണമെന്നും ഷാജുമോന്‍ വട്ടേക്കാട് പറഞ്ഞു.
