കൊച്ചി: സിനഗോഗ് തീവയ്പ്പ് കേസില്‍ അറസ്റ്റിലായ എബിന്‍ പോള്‍, തനിക്ക് നിര്‍ദേശം നല്‍കിയത് വിക്രം എന്ന പേരിലുള്ള വ്യക്തിയാണെന്ന് മൊഴി നല്‍കി. എന്നാല്‍ വിക്രം തന്നെയാണോ സംഭവത്തിലെ മുഖ്യസൂത്രധാരന്‍ എന്ന കാര്യത്തില്‍ പൊലിസിന് ഇതുവരെ സ്ഥിരീകരണം ലഭിച്ചിട്ടില്ല.
ഇയാളുടെ സംഭവത്തിലെ പങ്ക് കണ്ടെത്താനുള്ള ശ്രമത്തിലാണ് അന്വേഷണസംഘം.കസ്റ്റഡി കാലാവധി പൂര്‍ത്തിയായ സാഹചര്യത്തില്‍ എബിന്‍ പോളിനെ റിമാന്‍ഡ് ചെയ്തു. കൂടുതല്‍ വിവരങ്ങള്‍ ലഭിക്കുന്നതിനായി പ്രതിയുടെ മൊബൈല്‍ ഫോണ്‍ പരിശോധനാഫലത്തിനായി കാത്തിരിക്കുകയാണ് അന്വേഷണ സംഘം.
ഫോണ്‍ പരിശോധനയിലൂടെ ഗൂഢാലോചനയെക്കുറിച്ചും കൂടുതല്‍ വ്യക്തത ലഭിക്കുമെന്നാണ് അന്വേഷണസംഘം കരുതുന്നത്. ബോസ് എന്ന പേരിലുളള ചാറ്റിലാണ് എബിന്‍ പോളിന് നിര്‍ദ്ദേശങ്ങള്‍ ലഭിച്ചിരുന്നതെന്ന് പൊലീസ് നേരത്തേ കണ്ടെത്തിയിരുന്നു.ഈ ബോസ് തന്നെയാണോ വിക്രം എന്ന് കണ്ടെത്തേണ്ടതുണ്ട്.
