തൃശൂര്‍: ഫാസ് ടാഗില്‍ പണമില്ലാത്തിതിനാല്‍ വടക്കഞ്ചേരി പന്നിയങ്കര ടോള്‍ പ്ലാസയില്‍ കെഎസ്ആര്‍ടിസി ബസുകള്‍ തടഞ്ഞു. അന്തര്‍സംസ്ഥാന ബസുകള്‍ ഉള്‍പ്പെടെ 5 ബസുകളാണ് തൃശൂരിലേക്ക് വരുന്നതിനിടെ ടോള്‍ പ്ലാസയില്‍ തടഞ്ഞത്.
ഇതോടെ യാത്രക്കാര്‍ ബസ് ജീവനക്കാരുമായി തര്‍ക്കിച്ചു. ഒടുവില്‍ യാത്രക്കാരെ ഇറക്കി ബസുകള്‍ ടോള്‍ പ്ലാസയ്‌ക്ക് സമീപം മാറ്റിയിട്ടു. യാത്രക്കാര്‍ മറ്റു ബസുകളില്‍ യാത്ര തുടര്‍ന്നു.
ബസ് ജീവനക്കാര്‍ തൃശൂര്‍ ഡിപ്പോയുമായി ബന്ധപ്പെട്ടു.കണ്ടക്ടര്‍ ഗൂഗിള്‍ പേ വഴി ടോള്‍പ്ലാസയില്‍ പണമടച്ചതോടെയാണ് ബസ് കടത്തിവിട്ടത്.
