ജറുസലം : ഗാസയില്‍ ഇസ്രയേലിന്റെ കനത്ത ബോംബാക്രമണം. ടാങ്കുകളില്‍ നിന്ന് ഷെല്ലാക്രമണവും നടത്തി.. തെക്കന്‍ ഗാസയിലെ ബെയ്ത് ഹാനൂന്‍, ജബാലിയ എന്നിവിടങ്ങളിലാണ് ഷെല്ലാക്രമണം വലിയ തോതില്‍ നടത്തിയത്. ആക്രമണത്തില്‍ 32 പേര്‍ കൊല്ലപ്പെട്ടു.
അതിനിടെ, ലബനന്‍ അതിര്‍ത്തിയോടു ചേര്‍ന്നുളള ഇസ്രയേല്‍ സൈനികതാവളത്തിനുനേരെ ഹിസ്ബുല്ല ഡ്രോണ്‍ ആക്രമണം നടത്തുകയും ചെയ്തു. ഇസ്രായേല്‍ നടത്തിയ തിരിച്ചടിയില്‍ ഹിസ്ബുല്ല പക്ഷത്തെ രണ്ട് പേര്‍ കൊല്ലപ്പെട്ടു.
അതേസമയം, ഗാസയിലെ നാസര്‍ ആശുപത്രി വളപ്പില്‍നിന്നു 35 മൃതദേഹങ്ങള്‍ കൂടി കണ്ടെടുത്തു. മൂന്ന് കൂട്ടക്കുഴിമാടങ്ങളില്‍നിന്നായി ഒരാഴ്ചയ്‌ക്കിടെ 310 മൃതദേഹങ്ങളാണു ലഭിച്ചത്.
ഇതുവരെ ഇസ്രയേല്‍ ആക്രമണങ്ങളില്‍ 34,183 പലസ്തീന്‍കാരാണ് കൊല്ലപ്പെട്ടത്. 77,143 പേര്‍ക്ക് പരുക്കേറ്റു.
