ജാമുയി : ജാമുയിയിൽ പ്രധാനമന്ത്രി നരേന്ദ്ര മോദിയുടെ ഇന്നത്തെ റാലിയിൽ ബിജെപി നേതൃത്വത്തിലുള്ള സഖ്യത്തിലെ എല്ലാ ഘടകകക്ഷികളുടെയും നേതാക്കൾ പങ്കെടുത്തു. ഇന്ന് നടന്ന യോഗത്തിൽ ബിഹാറിലെ ഭരണകക്ഷിയായ എൻഡിഎ ഐക്യദാർഢ്യം പ്രകടിപ്പിച്ചത് വൻ വിജയ സാധ്യത കൂട്ടി.
സംസ്ഥാനത്ത് ലോക്സഭാ തെരഞ്ഞെടുപ്പിനുള്ള എൻഡിഎയുടെ പ്രചാരണത്തിൽ പ്രധാനമന്ത്രിയുമായി വേദി പങ്കിടാൻ ജെഡിയു തലവനും മുഖ്യമന്ത്രിയുമായ നിതീഷ് കുമാറും എത്തിയിരുന്നു.
ലോക് ജനശക്തി പാർട്ടി (രാം വിലാസ്) അധ്യക്ഷൻ ചിരാഗ് പാസ്വാൻ സംസ്ഥാനത്ത് റാലിക്കായി തന്റെ പാർട്ടി മത്സരിക്കുന്ന സീറ്റ് തിരഞ്ഞെടുത്തതിന് പ്രധാനമന്ത്രിക്ക് നന്ദി പറഞ്ഞു. ആയിരക്കണക്കിന് പ്രവർത്തകരാണ് പ്രധാനമന്ത്രിയുടെ റാലിയിൽ പങ്കെടുക്കാൻ ജാമുയിൽ എത്തിച്ചേർന്നത്.
ലോക്സഭാ തെരഞ്ഞെടുപ്പിൽ ബിഹാറിന്റെ പങ്ക് ഇത്തവണയും നിർണായകമാണ്. സംസ്ഥാനത്തെ എല്ലാ ലോക്സഭാ സീറ്റുകളിലും ബിജെപി-എൻഡിഎ സ്ഥാനാർത്ഥികളുടെ വിജയം ഉറപ്പാക്കുമെന്ന് ഇവിടെയുള്ള എന്റെ കുടുംബാംഗങ്ങൾ പ്രതിജ്ഞയെടുത്തുവെന്ന് മോദി റാലിക്ക് മുൻപ് സൂചിപ്പിച്ചിരുന്നു.
പ്രതികരിക്കാൻ ഇവിടെ എഴുതുക: