തിരുവനന്തപുരം: പ്രധാനമന്ത്രി നരേന്ദ്രമോദിയുടെ സന്ദര്ശനത്തെത്തുടര്ന്ന് ജില്ലയിലുണ്ടാകുന്ന ബിജെപി മുന്നേറ്റത്തില് വിറളിപൂണ്ട സാമൂഹ്യവിരുദ്ധര് പ്രധാനമന്ത്രിയുടെ ഫഌക്സ് ബോര്ഡുകള് നശിപ്പിച്ചു. യൂണിവേഴ്സിറ്റി കോളജിന് എതിര്വശം സംസ്കൃത കോളജിനു മുന്നിലായി റോഡരികില് സ്ഥാപിച്ചിരുന്ന ഫഌക്സ് ബോര്ഡുകളാണ് സാമൂഹ്യവിരുദ്ധര് കുത്തിക്കീറി നശിപ്പിച്ചത്.
സംസ്കൃത കോളജിനു മുന്നില് സ്ഥാപിച്ചിരുന്ന മൂന്ന് ബോര്ഡുകളാണ് കുത്തിക്കീറിയ നിലയിലുള്ളത്. എന്നാല് ഇതിനടുത്തുതന്നെ ഉയര്ത്തിയിട്ടുള്ള മുഖ്യമന്ത്രിയുടെയും എസ്ഡിപിഐയുടെയും ബോര്ഡുകള്ക്ക് യാതൊരു പോറലും ഏറ്റിട്ടുമില്ല. രാഷ്ട്രീയ വിറളി പൂണ്ടവരാണ് പിന്നിലെന്ന് ഇത് വ്യക്തമാക്കുന്നു.
