കോഴിക്കോട് :സി പി എം നേതാവ് പി വി സത്യനാഥിനെ കൊലപ്പെടുത്താന്‍ ഉപയോഗിച്ച ആയുധം കണ്ടെത്തി. ക്ഷേത്രം ഓഫിസിന് സമീപം നിന്നാണ് മൂര്‍ച്ചയുളള കത്തി കണ്ടെടുത്തത്.
സത്യനാഥിന്റെ കൊലപാതകത്തില്‍ പ്രത്യേക അന്വേഷണ സംഘം രൂപീകരിച്ചു. കൃത്യത്തില്‍ അഭിലാഷ് മാത്രമേ ഉള്ളൂ എന്നാണ് നിഗമനം. അഭിലാഷ് കുറ്റം സമ്മതിച്ചിട്ടുണ്ട്. കൊയിലാണ്ടി നഗരസഭ മുന്‍ ചെയര്‍പേഴ്സന്റെ ഡ്രൈവറായിരുന്നു അഭിലാഷ്.
കൊല്ലപ്പെട്ട പി.വി സത്യനാഥ് കൊയിലാണ്ടി ടൗണ്‍ ലോക്കല്‍ സെക്രട്ടറിയായയിരുന്നു. ചെറിയപുറം ക്ഷേത്രം ഉത്സവത്തിനിടെയാണ് ആക്രമണം. സത്യനാഥിന്റെ സംസ്‌കാരം വീട്ടുവളപ്പില്‍ നടന്നു.
അഭിലാഷിനെ ഏഴ് വര്‍ഷം മുമ്പ് സി പി എമ്മില്‍ നിന്ന് പുറത്താക്കിയതാണെന്നാണ് നേതാക്കള്‍ പറയുന്നത്. കൊലപാതകത്തിന് പിന്നില്‍ വ്യക്തി വിരോധമാണെന്ന് സി പി എം വെളിപ്പെടുത്തിയത്.
