തൃശൂര് : വാഹന പരിശോധനയ്ക്കിടെ അഞ്ഞൂരില് അര കിലോ കഞ്ചാവ് പിടികൂടി. ആര്ത്താറ്റ് സ്വദേശി മുണ്ടന്തറ വീട്ടില് സതീശനെ(29) കുന്നംകുളം റെയിഞ്ച് എക്സൈസ് സംഘം അറസ്റ്റ് ചെയ്തു. വാഹന പരിശോധനയ്ക്കിടെയാണ് കഞ്ചാവുമായി ഇയാളെ പിടികൂടിയത്.
തൃശൂര് എക്സൈസ് ഇന്റലിജന്സിന് ലഭിച്ച രഹസ്യ വിവര പ്രകാരം എക്സൈസ് സംഘം കുന്നംകുളം അഞ്ഞൂരില് വാഹന പരിശോധന നടത്തുന്നതിനിടെയാണ് കഞ്ചാവുമായി പ്രതിയെയും കാറും പിടികൂടിയത്. പ്രതിയോടൊപ്പമുണ്ടായിരുന്ന ഷൈജു ഓടിരക്ഷപ്പെട്ടു.
അസിസ്റ്റന്റ് എക്സൈസ് ഇന്സ്പെക്ടര് ശിവശങ്കരന്, പ്രിവന്റിവ് ഓഫീസര്മാരായ എ സി ജോസഫ്, സിദ്ധാര്ത്ഥന്, സിവില് എക്സൈസ് ഓഫീസര്മാരായ ലത്തീഫ്, വനിതാ സിവില് എക്സൈസ് ഓഫീസര്മാരായ അരുണ, നിവ്യ എന്നിവരുള്പ്പെട്ട സംഘമാണ് പ്രതിയെ പിടികൂടിയത്.
