ഇസ്താംബുൾ: തുർക്കിയുടെ തലസ്ഥാനമായ ഇസ്താബുളിൽ മുഖംമൂടി ധരിച്ചെത്തിയവർ ക്രിസ്ത്യൻ ദേവാലയത്തിൽ നടത്തിയ ആക്രമണത്തിൽ ഒരാൾ കൊല്ലപ്പെടുകയും മൂന്ന് പേർക്ക് പരിക്കേൽക്കുകയും ചെയ്തു. തുർക്കി ആഭ്യന്തര മന്ത്രാലയമാണ് ഇക്കാര്യം അറിയിച്ചത്.
ഇസ്താബുളിലെ സരിയേർ ജില്ലയിലെ സാന്താ മരിയ പള്ളിയിലാണ് ഇന്ന് രാവിലെ 11.30 ഓടെ ആക്രമണം ഉണ്ടായത്. മുഖം മൂടി ധരിച്ചെത്തിയവർ പള്ളിയിൽ പ്രവേശിക്കുകയും അവിടെ ഉണ്ടായിരുന്നവരെ ആക്രമിക്കുകയുമായിരുന്നു. ഒരാൾ സംഭവസ്ഥലത്ത് വച്ച് തന്നെ കൊല്ലപ്പെടുകയും മൂന്ന് പേരെ ആശുപത്രിയിൽ പരിക്കുകളോടെ പ്രവേശിപ്പിക്കുകയും ചെയ്തതായി റിപ്പോർട്ടുണ്ട്.
ആക്രമണം നടത്തിയവരെ ഉടൻ പിടികൂടാനുള്ള നടപടികൾ ആരംഭിച്ചതായി ആഭ്യന്തര മന്ത്രി അലി യെർലികായ് പറഞ്ഞു. ആക്രമണം ആസൂത്രിതമായിരിക്കുമെന്നും ആക്രമണത്തിനിരയായവരുടെ കുടുംബങ്ങളുടെ ദുഃഖത്തിൽ പങ്കുചേരുന്നുവെന്നും അദ്ദേഹം പറഞ്ഞു.
