തിരുവനന്തപുരം: തിരുവനന്തപുരം സൗത്ത് പോസ്റ്റല്‍ ഡിവിഷനിലെ ഡാക് അദാലത്ത് 2023 ഡിസംബര്‍ അഞ്ചിന് രാവിലെ 11 മണിക്ക് തിരുവനന്തപുരം സൗത്ത് പോസ്റ്റല്‍ സൂപ്രണ്ട് ഓഫീസില്‍ നടക്കും. തിരുവനന്തപുരം സൗത്ത് ഡിവിഷനിലെ തപാല്‍ ഓഫീസുകള്‍ നല്‍കുന്ന സേവനങ്ങള്‍ സംബന്ധിച്ച പരാതികളാണ് അദാലത്തില്‍ പരിഗണിക്കുന്നത്.
പരാതിക്കാരന്റെ ഫോണ്‍ നമ്പര്‍ സഹിതം 2023 നവംബര്‍ 30നോ അതിനുമുമ്പോ പോസ്റ്റ് ഓഫീസ് സൂപ്രണ്ട്, തിരുവനന്തപുരം സൗത്ത് ഡിവിഷന്‍, തിരുവനന്തപുരം 695023 എന്ന വിലാസത്തില്‍ പരാതികള്‍ അയയ്‌ക്കാം. കവറില്‍ ഡാക് അദാലത്ത് എന്ന് എഴുതിയിരിക്കണം. [email protected] / [email protected] എന്നീ ഇമെയില്‍ വിലാസങ്ങളിലും പരാതികള്‍ അറിയിക്കാം.
