ന്യൂദല്ഹി :പ്രധാനമന്ത്രി നരേന്ദ്രമോദി പുതുതായി ഒമ്പത് വന്ദേ ഭാരത് ട്രെയിനുകള് ഞായറാഴ്ച ഫ്ലാഗ് ഓഫ് ചെയ്യും.വീഡിയോ കോണ്ഫറന്സിംഗ് വഴിയാണ് പരിപാടി സംഘടിപ്പിച്ചിട്ടുളളത്.
പുതിയ വന്ദേ ഭാരത് ട്രെയിനുകള് രാജ്യത്തുടനീളമുള്ള ഗതാഗതം മെച്ചപ്പെടുത്തുന്നതിനും ട്രെയിന് യാത്രക്കാര്ക്ക് ലോകോത്തര സൗകര്യങ്ങള് നല്കുന്നതിനുമുള്ള പ്രധാനമന്ത്രിയുടെ കാഴ്ചപ്പാട് സാക്ഷാത്കരിക്കുന്നത് ലക്ഷ്യമിട്ടാണ്.ഈ ഒമ്പത് ട്രെയിനുകള് പതിനൊന്ന് സംസ്ഥാനങ്ങളിലേക്കുള്ള ഗതാഗതത്തിന് സൗകര്യമൊരുക്കും.
രാജസ്ഥാന്, തമിഴ്നാട്, തെലങ്കാന, ആന്ധ്രപ്രദേശ്, കര്ണാടക, ബീഹാര്, പശ്ചിമ ബംഗാള്, കേരളം, ഒഡീഷ, ജാര്ഖണ്ഡ്, ഗുജറാത്ത് എന്നിവയാണ് ഈ സംസ്ഥാനങ്ങള്. ഉദയ്പൂര്- ജയ്പൂര് വന്ദേ ഭാരത് എക്സ്പ്രസ്, തിരുനെല്വേലി-മധുര-ചെന്നൈ വന്ദേ ഭാരത് എക്സ്പ്രസ്, ഹൈദരാബാദ്-ബെംഗളൂരു വന്ദേ ഭാരത് എക്സ്പ്രസ്, ജാംനഗര്-അഹമ്മദാബാദ് വന്ദേ ഭാരത് എക്സ്പ്രസ് എന്നിവയാണ് ഫ്ലാഗ് ഓഫ് ചെയ്യുന്ന പുതിയ ട്രെയിനുകള്.
