മലപ്പുറം: തിരൂരിലെ ബിവറേജസ് ഷോപ്പിനു മുന്നില്‍ ഭീകരാന്തരീക്ഷം സൃഷ്ടിച്ച് മദ്യപസംഘം. മദ്യപിച്ചെത്തിയ മൂന്ന് അംഗ സംഘം മദ്യം വാങ്ങാനെത്തിയവരെയാണ് ആക്രമിച്ചത്. സംഘം ബിയര്‍ കുപ്പി കൊണ്ട് ഒരാളുടെ തലയ്‌ക്കടിച്ച് വീഴ്ത്തി. സമീപത്തെ കടയും ഇവര്‍ തകര്‍ത്തു.
പോലീസ് കേസെടുത്ത് അന്വേഷണം ആരംഭിച്ചു. ഇന്നലെ വൈകിട്ടാണ് സംഭവം. വാര്‍ത്ത റിപ്പോര്‍ട്ട് ചെയാനെത്തിയ തിരൂരിലെ പ്രാദേശിക മാധ്യമ പ്രവര്‍ത്തകനെയും മദ്യപസംഘം ആക്രമിച്ചു. ആക്രമത്തിന്റെ ദൃശ്യങ്ങൾ പകർത്തുകയായിരുന്ന ചാനൽ ക്യാമറ മാൻ ഷബീറിനെയാണ് ആക്രമിച്ചത്.
തലയ്‌ക്ക് പരിക്കേറ്റ ഷബീർ ജില്ലാ ആശുപത്രിയിൽ ചികിത്സയിലാണ്.
