ഇടുക്കി: നെടുങ്കണ്ടം ചെമ്മണ്ണാറില് വീട്ടുമുറ്റത്ത് ഒരാളെ മരിച്ച നിലയില് കണ്ടെത്തി.സേനാപതി വട്ടപ്പാറ സ്വദേശി ജോസഫിനെയാണ് ചൊവ്വാഴ്ച്ച രാവിലെ ചെമ്മണ്ണാറിലെ വീട്ടുമുറ്റത്ത് മരിച്ച നിലയില് കണ്ടെത്തിയത്.ഇയാള് സമീപത്തെ രാജേന്ദ്രന്റ് വീട്ടില് മോഷണത്തിന് കയറുകയും ഇവിടെ നിന്ന് ഇറങ്ങി ഓടുകയും ചെയ്തിരുന്നു.ഇതിന് പിന്നാലെ അയാളെ അടുത്ത വീടിന്റെ മുറ്റത്ത് മരിച്ച നിലയില് കണ്ടെത്തിയത് എന്ന് നാട്ടുകാര് പറയുന്നു.
ജോസഫ് ചൊവ്വാഴ്ച്ച പുലര്ച്ചെ രാജേന്ദ്രന്റെ വീട്ടില് മോഷ്ടിക്കാന് കയറി.എന്നാല് ശബദ്ം കേട്ട് ഉണര്ന്ന രാജേന്ദ്രന് കളളനെ കാണുകയും, പിടികൂടാന് ശ്രമിക്കുകയും ചെയ്തു.എന്നാല് മല്പ്പിടുത്തത്തിനിടെ ജോസഫ് ഓടി രക്ഷപ്പെട്ടു, എന്നാണ് രാജേന്ദ്രന്റെ മൊഴി.എന്നാല് സംഭവത്തിന് പിന്നാലെ രാവിലെ അഞ്ചരയോടെ ജോസഫിനെ വീടിന് നൂറ് മീറ്റര് അകലെയുളള മറ്റൊരു വീടിന്റെ മുറ്റത്ത മരിച്ചനിലയില് കണ്ടെത്തി.
മൃതദേഹത്തിന് സമീപം ടോര്ച്ചും, വെട്ടുകത്തിയും,കുടയും, ചെരുപ്പുകളും, ഒരു കിലോ മാംസം അടങ്ങുന്ന കവറും കണ്ടെത്തിയിരുന്നു.നാട്ടുകാര് അറിയിച്ചതിനെത്തുടര്ന്ന് പോലീസ് എത്തി ഇന്ക്വസ്റ്റ് നടപടികള് ആരംഭിച്ചു.മരണ്ത്തില് ദുരൂഹത നിലനില്ക്കുന്നതിനാല് അസ്വഭാവിക മരണത്തിന് പോലീസ് കേസ് എടുത്തു.പോസ്റ്റമോര്ട്ടം നടപടിയ്ക്ക് ശേഷമെ മരണകാരണം വ്യക്തമാകു എന്ന് പോലീസ് പറഞ്ഞു.
