കീവ്: നാറ്റോയില് അംഗത്വം വേണമെന്ന് തുടര്ച്ചയായി ആവശ്യമുയര്ത്തി റഷ്യയെ പ്രകോപിപ്പിച്ച ഉക്രൈന് പ്രസിഡന്റ് സെലന്സ്കി വീണ്ടും പുടിനെ ചൊടിപ്പിക്കാന് മറ്റൊരു നീക്കവുമായി രംഗത്ത്. ഉക്രൈന് യൂറോപ്യന് യൂണിയനില് ഉടനെ അംഗത്വം നല്കണമെന്ന ആവശ്യമാണ് തിങ്കളാഴ്ച സെലന്സ്കി ഉയര്ത്തിയിരിക്കുന്നത്.
അടിയന്തരമായി അംഗത്വം നല്കണമെന്നാണ് ആവശ്യം. പത്യേകമായ പ്രക്രിയ വഴി അതിനുള്ള നടപടിയെടുക്കണമെന്നാണ് സെലന്സ്കിയുടെ ആവശ്യം. യുദ്ധത്തിന്റെ അഞ്ചാംദിവസമായ തിങ്കളാഴ്ച പുറത്തിറക്കിയ പുതിയ വീഡിയോയിലാണ് ഈ ആവശ്യം ഉയര്ത്തിയത്.
‘എല്ലാ യൂറോപ്യന് രാഷ്ട്രങ്ങളുമായി ഒന്നിച്ചുനില്ക്കുകയാണ് ലക്ഷ്യം. അതും തുല്യ നിലയില്. അത് ന്യായമാണെന്ന് എനിക്കുറപ്പുണ്ട്,’- സെലന്സ്കി പറഞ്ഞു. റഷ്യയെ അങ്ങേയറ്റം പ്രകോപിപ്പിക്കുകയാണ് സെലന്സ്കിയുടെ ലക്ഷ്യം. ഇതുവഴി കൂടുതല് കടുത്ത നടപടികളിലേക്ക് റഷ്യയെ വലിച്ചിഴച്ചാല് ലോകത്തിന്റെ പിന്തുണ തനിക്ക് ലഭിക്കുമെന്ന കണക്കുകൂട്ടലാണ് സെലന്സ്കിക്കുള്ളത്.
