കീവ്: യുക്രൈയിനില്‍ ഒഡേസ നഗര തീരത്ത് ചരക്ക് കപ്പലിന് നേരെ ഉണ്ടായ റഷ്യന്‍ ആക്രമണത്തില്‍ മലയാളിയടക്കം നാല് ഇന്ത്യക്കാര്‍ കൊല്ലപ്പെട്ടു. ആക്രമണത്തില്‍ ആകെ 10 പേര്‍ കൊല്ലപ്പെട്ടതായാണ് റിപ്പോര്‍ട്ട്. ഒരു ഇന്ത്യക്കാരന് ഗുരുതര പരിക്കേറ്റു.കാസര്‍കോട് വെള്ളരിക്കുണ്ട് എകെജി നഗര്‍ സ്വദേശി അഖില്‍ ജോയന്‍ (26) ആണ് കൊല്ലപ്പെട്ട മലയാളി.
ഗിനിയ-ബിസാവു പതാകയുള്ള ‘ഗോള്‍ഡന്‍ ലിയോ’ കപ്പലാണ് റഷ്യ ക്രൂസ് മിസൈല്‍ കൊണ്ട് ആക്രമിച്ചത്. ഇന്ത്യന്‍, സിറിയന്‍ നാവികരാണ് കപ്പലില്‍ ഉണ്ടായിരുന്നതെന്നും റിപ്പോര്‍ട്ടുകള്‍ പറയുന്നു. ഭക്ഷ്യധാന്യങ്ങളുമായി സഞ്ചരിച്ച കപ്പലാണ് ആക്രമിക്കപ്പെട്ടത്.
ആകെ 17 പേരാണ് കപ്പലിലുണ്ടായിരുന്നത് .ഇതില്‍ 8 പേരെ യുക്രെയ്ന്‍ നാവിക സേന രക്ഷപ്പെടുത്തി കൊല്ലപ്പെട്ടവരില്‍ യുക്രെയ്ന്‍ സ്വദേശിയായ പൈലറ്റുമുണ്ട്.
