കീവ്: യുക്രെയ്നില് ഒഡേസ തീരത്ത് ചരക്ക് കപ്പലിന് നേരെ റഷ്യന് ആക്രമണത്തില് മലയാളി അടക്കം 10 മരണം. കപ്പലിലുണ്ടായിരുന്ന കാസര്കോട് വെള്ളരിക്കുണ്ട് എകെജി നഗര് സ്വദേശി അഖില് ജോയന് (26) ആണ് മരിച്ചത്.
പത്ത് നാവികര് കൊല്ലപ്പെട്ടതായാണ് റിപ്പോര്ട്ട്.ഗോള്ഡന് ലിയോ എന്ന കപ്പലാണ് ആക്രമിക്കപ്പെട്ടത്. ഇന്ത്യന്, സിറിയന് നാവികരാണ് കപ്പലില് ഉണ്ടായിരുന്നതെന്നാണ് റിപ്പോര്ട്ടുകള്. ഭക്ഷ്യധാന്യങ്ങളുമായി സഞ്ചരിച്ച കപ്പലാണ് ആക്രമിക്കപ്പെട്ടത്.
കപ്പലില് നിന്ന് എട്ട് പേരെ രക്ഷപ്പെടുത്തിയതായി യുക്രെയ്ന് നാവിക സേന അറിയിച്ചു. ആകെ 17 പേരാണ് കപ്പലിലുണ്ടായിരുന്നത്. യുക്രെയ്ന് സ്വദേശിയായ പൈലറ്റും കൊല്ലപ്പെട്ടിട്ടുണ്ട്.അടുത്തിടെ റഷ്യന് നഗരങ്ങളില് യുക്രൈയ്ന് ശക്തമായ ആക്രമണം നടത്തിയിരുന്നു.
