ന്യൂദല്ഹി: എല്ലാ പാരാമീറ്ററുകളിലും സമ്പദ്വ്യവസ്ഥ ശക്തവും സ്ഥിരതയുള്ളതുമാണെന്നും മിഡിൽ ഈസ്റ്റ് യുദ്ധം ഇന്ത്യയുടെ വളർച്ചാ നിരക്കിനെ പ്രതികൂലമായി ബാധിക്കില്ലെന്നും റിസർവ് ബാങ്ക് വെള്ളിയാഴ്ച പറഞ്ഞു. ആർബിഐ അതിന്റെ ജിഡിസി വളർച്ചാ നിരക്ക് പ്രവചനങ്ങൾ 6.9 ൽ നിന്ന് 6.6 ശതമാനമായി പരിഷ്കരിച്ചു.
വെള്ളിയാഴ്ച, കേന്ദ്രം ഒരു പ്രഖ്യാപനം നടത്തി. വിദേശ നിക്ഷേപം ആകർഷിക്കുന്നതിനുള്ള നടപടികളുടെ ഒരു പരമ്പരയാണിത്. എഫ്പിഐകൾക്ക് (വിദേശ പോർട്ട്ഫോളിയോ നിക്ഷേപകർ) കൂടുതൽ നിക്ഷേപ ഓപ്ഷനുകൾ വാഗ്ദാനം ചെയ്യുക, ഏപ്രിൽ 1 മുതൽ മുൻകാല പ്രാബല്യത്തോടെ സർക്കാർ ബോണ്ടുകളിലെ വരുമാനം നികുതി രഹിതമാക്കുക എന്നിവ ഇതിൽ ഉൾപ്പെടുന്നു.
കഴിഞ്ഞ അഞ്ച് മാസത്തിനുള്ളിൽ വിദേശ പോർട്ട്ഫോളിയോ നിക്ഷേപകർ ഇന്ത്യൻ ഓഹരി വിപണികളിൽ നിന്ന് ഏകദേശം 2.25 ലക്ഷം കോടി രൂപ പിൻവലിച്ചതിനാലാണ് ഈ നടപടികൾ സ്വീകരിച്ചത്. എഫ്പിഐകൾ സാധാരണയായി ഓഹരികളിലും മ്യൂച്വൽ ഫണ്ടുകളിലും ബോണ്ടുകളിലും പണം നിക്ഷേപിക്കുന്നു. അത്തരം നിക്ഷേപകർക്ക് ആദായനികുതിയും മൂലധന നേട്ട നികുതിയും നീക്കം ചെയ്തതോടെ, വരും ആഴ്ചകളിൽ ഇന്ത്യൻ സമ്പദ്വ്യവസ്ഥയ്ക്ക് വലിയ വിദേശനാണ്യം ലഭിക്കും.
അതേ സമയം സമ്പദ്വ്യവസ്ഥയുമായി ബന്ധപ്പെട്ട് ജനങ്ങളുടെ മനസ്സിൽ ഭീതി സൃഷ്ടിക്കാനുള്ള ശ്രമങ്ങൾ ഇതിനിടെ നടന്നു. ഇറാൻ യുദ്ധം മൂലമുണ്ടായ വർദ്ധിച്ചുവരുന്ന സമ്മർദ്ദത്തിൽ നിന്ന് ഇന്ത്യയുടെ വിദേശനാണ്യ ആസ്തികളെ സംരക്ഷിക്കാൻ ആർബിഐ അതിന്റെ സ്വർണ്ണ ശേഖരത്തിന്റെ ഒരു ഭാഗം വിറ്റഴിച്ചിരിക്കാമെന്നാണ് അമേരിക്കൻ വാർത്താ ഏജൻസിയായ ബ്ലൂംബെർഗ് റിപ്പോര്ട്ട് ചെയ്തത്. ഇത് വ്യാജമാണെന്ന് കണ്ടെത്തി. ഇതോടെ ജൂൺ 2 ന് പ്രസിദ്ധീകരിച്ച ഒരു വാർത്ത ബ്ലൂംബെർഗ് ന്യൂസ് പിൻവലിച്ചു.
മെയ് 22 ന് അവസാനിച്ച രണ്ടാഴ്ചയ്ക്കുള്ളിൽ ആർബിഐ ഏകദേശം 12 ബില്യൺ ഡോളറിന്റെ സ്വർണം വിറ്റഴിച്ചിരിക്കാമെന്ന് ബ്ലൂംബെർഗ് റിപ്പോർട്ട് ആരോപിച്ചിരുന്നു. , എന്നിരുന്നാലും ഏകദേശം 7.5 ബില്യൺ ഡോളർ വിദേശ കറൻസി വാങ്ങി. ആസ്തികൾ
ബ്ലൂംബർഗ് ഇക്കണോമിക്സിന്റെ തെറ്റായ വിശകലനത്തെ അടിസ്ഥാനമാക്കിയുള്ളതാണെന്ന് പറഞ്ഞുകൊണ്ടാണ് ബ്ലൂംബർഗ് ന്യൂസ് വ്യാജ വാർത്ത പിൻവലിച്ചത്. ആർബിഐയുടെ സ്വർണ്ണ ശേഖരം വിലയിരുത്താൻ വിശകലനം നടത്തിയ അതേ ദിവസത്തെ ആഭ്യന്തര സ്വർണ്ണ വിലകൾ തെറ്റായി ഉപയോഗിച്ചതാണ് തെറ്റ് വരാന് കാരണമെന്ന് അവർ പറഞ്ഞു.
ബ്ലൂംബർഗ് റിപ്പോർട്ട് അടിസ്ഥാനരഹിതമാണെന്ന് കേന്ദ്രവും ആർബിഐയും നേരത്തെ തള്ളിക്കളഞ്ഞിരുന്നു. നേരെമറിച്ച്, അന്താരാഷ്ട്ര വിപണിയിൽ സ്വർണ്ണ വില വർദ്ധിച്ചതോടെ ഇന്ത്യയുടെ സ്വർണ്ണ ശേഖരത്തിന്റെ മൂല്യം 64 ശതമാനം വർദ്ധിക്കുകയാണ് ഉണ്ടായതെന്ന് ആർബിഐ പറഞ്ഞു. ഇന്ത്യയുടെ വിദേശ കരുതൽ ശേഖരം കഴിഞ്ഞ വർഷത്തേക്കാൾ 23 ബില്യൺ ഡോളർ വർദ്ധിച്ചുവെന്നും സ്വർണ്ണം വിൽക്കേണ്ട ആവശ്യമില്ലെന്നും ആർബിഐ വ്യക്തമാക്കിയിട്ടുണ്ട്. .
അടിസ്ഥാനരഹിതമായ വാർത്തകൾ പ്രസിദ്ധീകരിച്ച് ഇന്ത്യയുടെ പ്രതിച്ഛായ തകർക്കാൻ ബ്ലൂംബെര്ഗിനെപ്പോലെയുള്ള ചില വിദേശമാധ്യമ ശക്തികൾ ശ്രമിക്കുകയാണ്. പ്രധാനമന്ത്രി മോദി ഒരു “കടുത്ത നേതാവാണ്” എന്നും അദ്ദേഹവുമായി വ്യാപാര കരാർ ഉണ്ടാക്കുന്നത് ബുദ്ധിമുട്ടാണെന്നും യുഎസ് പ്രസിഡന്റ് ഡൊണാൾഡ് ട്രംപ് പോലും സമ്മതിച്ചിട്ടുള്ളതാണ്.
സമീപ മാസങ്ങളിൽ നിരവധി തവണ, മോദി “വിട്ടുവീഴ്ച ചെയ്തു” എന്നും ട്രംപിന്റെ സമ്മർദ്ദത്തിന് വഴങ്ങി പ്രവർത്തിക്കുന്നുവെന്നും ഒരു ആഖ്യാനം സൃഷ്ടിക്കാൻ ശ്രമങ്ങൾ നടന്നു. ഈ ആഖ്യാനം കഴി്ഞ ദിവസം റഷ്യൻ പ്രസിഡന്റ് വ്ളാഡിമിർ പുടിൻ തള്ളിക്കളഞ്ഞു. മോദി ശക്തനും വിശ്വസ്തനുമായ നേതാവാണെന്നും ഒരു സമ്മർദ്ദവും അദ്ദേഹത്തെ ഒരിക്കലും സ്വാധീനിക്കില്ലെന്നും പുടിന് ഇക്കഴിഞ്ഞ ദിവസമാണ് പറഞ്ഞത്. പാശ്ചാത്യ രാജ്യങ്ങൾ ഇത് അറിയണമെന്നും അദ്ദേഹം പറഞ്ഞു.
“ലോകത്തിലെ ഏറ്റവും ഉയർന്ന സാമ്പത്തിക വളർച്ചാ നിരക്ക് കാണിച്ച മുൻനിര സമ്പദ്വ്യവസ്ഥകളിൽ ഒന്നാണ് ഇന്ത്യ. ഇത് പെട്ടെന്ന് വരുന്ന ഒന്നല്ല. ഇന്ത്യൻ സർക്കാർ നടത്തിയ കഠിനാധ്വാനത്തിന്റെ ഫലമാണിത്” എന്നും പുടിൻ പറഞ്ഞതില് എല്ലാം ഉള്ക്കൊള്ളുന്നു.
