ലണ്ടന്: ഭൂരിഭാഗം റഷ്യന് പട്ടാളവും ഉക്രൈന് തലസ്ഥാനമായ കീവില് നിന്നും 30 കിലോമീറ്റര് മാത്രം അകലെയെന്ന് ബ്രിട്ടീഷ് രഹസ്യപ്പൊലീസ് റിപ്പോര്ട്ട്. വൈകാതെ റഷ്യന് പട്ടാളം കീവ് പിടിക്കുമെന്ന സൂചനയാണ് ഇത് നല്കുന്നത്.
പക്ഷെ റഷ്യന് പട്ടാളത്തില് നല്ലതോതില് ആളപായമുണ്ടായേക്കുമെന്നും യുകെ പ്രതിരോധമന്ത്രാലയത്തിന്റെ രഹസ്യറിപ്പോര്ട്ട് ചൂണ്ടിക്കാട്ടുന്നു. ഈ നാശനഷ്ടം ഒരു പക്ഷെ റഷ്യ വിചാരിക്കുന്നതിലും വലുതായിരിക്കുമെന്നും പറയുന്നു.
അതേ സമയം ഉക്രൈന് മുകളിലുള്ള വ്യോമ പാത പൂര്ണ്ണമായും വരുതിയിലാക്കാന് റഷ്യക്ക് സാധിച്ചിട്ടില്ല. ഇത് റഷ്യന് സേനയുടെ കരുത്ത് പൂര്ണ്ണമായും പുറത്തെടുക്കുന്നതിന് വിഘാതമായി പ്രവര്ത്തിക്കുന്നതായും യുകെ രഹസ്യറിപ്പോര്ട്ട് ചൂണ്ടിക്കാട്ടുന്നു. ഇപ്പോഴും ഉക്രൈന് സായുധ സേന നല്ല ചെറുത്തുനില്പ് കാഴ്ചവെയ്ക്കുന്നതായും യുകെ പ്രതിരോധ സേന റിപ്പോര്ട്ട് പറയുന്നു
