കൊച്ചി: ആര്എസ്എസിന്റെ ശതാബ്ദി വര്ഷത്തില് നിന്ന് സ്വാതന്ത്ര്യത്തിന്റെ ശതാബ്ദി വര്ഷത്തിലേക്കെത്തുമ്പോള് രാഷ്ട്രത്തിന്റെ എല്ല മണ്ഡലങ്ങളിലും ഹിന്ദുത്വം ജ്വലിച്ചു നില്ക്കണമെന്ന് ആര്എസ്എസ് ദക്ഷിണ ക്ഷേത്രീയ സഹകാര്യവാഹ് എം. രാധാകൃഷ്ണന്. ഹിന്ദു ഐക്യവേദി സംസ്ഥാന സമിതി യോഗത്തില് മുഖ്യപ്രഭാഷണം നടത്തുകയായിരുന്നു അദ്ദേഹം.
എല്ലാപഞ്ചായത്തിലും ഹിന്ദു നേതൃത്വമുണ്ടാകണം. ഹിന്ദു സമൂഹം നേരിടുന്ന എല്ലാ വെല്ലുവിളികളേയും അഭിമുഖീകരിക്കാന് കഴിയണം. ശ്രദ്ധ ഹിന്ദു സമൂഹത്തിന് ഉള്ളിലേക്കായിരിക്കണം. എന്തുകൊണ്ട് നമ്മുടെ കുടുംബങ്ങളില് നിന്ന് കുട്ടികള് നഷ്ടപ്പെടുന്നുവെന്ന് ചിന്തിക്കണം. ലൗ ജിഹാദും, മതപരിവര്ത്തനവും പ്രതിരോധിക്കാന് സാധിക്കണമെന്നും അദ്ദേഹം പറഞ്ഞു.
ആലുവ കേശവ സ്മൃതിയില് ചേര്ന്ന യോഗം ഹിന്ദു ഐക്യവേദി രക്ഷാധികാരി കെ.എന്. രവീന്ദ്രനാഥ് ഉദ്ഘാടനം ചെയ്തു. സംസ്ഥാന സമിതി യോഗത്തില് അധ്യക്ഷ കെ.പി. ശശികല ടീച്ചര് അധ്യക്ഷയായി. സംസ്ഥാന വര്ക്കിങ് പ്രസിഡന്റ് വത്സന് തില്ലങ്കേരി, ജനറല് സെക്രട്ടറിമാരായ പി. സുധാകരന്, കെ.പി. ഹരിദാസ്, ഇ.എസ്. ബിജു, ആര്.വി. ബാബു, സംഘടനാ സെക്രട്ടറി സി. ബാബു, സഹസംഘടനാ സെക്രട്ടറി വി. സുശികുമാര്, പി. ജ്യോതിന്ദ്രനാഥ് എന്നിവര് സംസാരിച്ചു.
