മലപ്പുറം: ഒളിമ്പിക്സ് ഹോക്കിയില് വെങ്കല മെഡല് നേടിയ ഇന്ത്യന് ടീമിലെ മലയാളി താരം പി.ആര് ശ്രീജേഷിന് സംസ്ഥാന സര്ക്കാര് അര്ഹമായ പാരിതോഷികം നല്കണമെന്ന് ബിജെപി സംസ്ഥാന അധ്യക്ഷന് കെ സുരേന്ദ്രന്. ന്ത്യന് ടീമിലെ മറ്റു സംസ്ഥാനങ്ങളിലെ കളിക്കാര്ക്ക് മുന്തിയ പരി?ഗണന അവരുടെ സംസ്ഥാനം നല്കുമ്പോള് ശ്രീജേഷിനെ അപമാനിക്കരുതെന്നും വാര്ത്താ സമ്മേളനത്തില് സുരേന്ദ്രന് പറഞ്ഞു.
ഹോക്കിയില് രാജ്യം മെഡല് നേടിയതില് നിര്ണായക പ്രകടനം നടത്തിയ താരമാണ് ശ്രീജേഷ്. എന്നിട്ടും അദേഹത്തിന് ഇതുവരെ സര്ക്കാര് ഒന്നും പ്രഖ്യാപിച്ചില്ല. കേരളം മാത്രമാണ് ഇത്തരം വിലകുറഞ്ഞ രീതിയില് കായിക താരങ്ങളോട് പെരുമാറുന്നത്. മറ്റു സംസ്ഥാനങ്ങളെല്ലാം അവിടുത്തെ മെഡല് ജേതാക്കള്ക്ക് വലിയ പാരിതോഷികങ്ങളാണ് നല്കുന്നതെന്നും സുരേന്ദ്രന് ചൂണ്ടിക്കാട്ടി.
സംരംഭകനും വിപിഎസ് ഹെല്ത്ത് കെയര് ഗ്രൂപ്പ് സ്ഥാപകനുമായ ഡോ. ഷംഷീര് വയലില് ശ്രീജേഷിന് ഒരുകോടി രൂപ പാരിതോഷികം പ്രഖ്യാപിച്ചിരുന്നു. അടുത്ത ദിവസം കേരളത്തിലെത്തുന്ന ശ്രീജേഷിന് കൊച്ചിയില് നടക്കുന്ന പ്രത്യേക ചടങ്ങില് വിപിഎസ് ഹെല്ത്ത്കെയര് പ്രതിനിധികള് പാരിതോഷികം കൈമാറും. ടോക്കിയോയില് നിന്നും ഇന്ത്യയിലേക്ക് പുറപ്പെടുന്നതിന് മുന്പ് ശ്രീജേഷിനെ ദുബായില്നിന്ന് ഫോണില് ബന്ധപ്പെട്ടാണ് ഡോ. ഷംഷീര് സര്െ്രെപസ് സമ്മാനം പ്രഖ്യാപിച്ചത്. ഇത്രയും വലിയൊരു തുക കേട്ടുമാത്രമേ പരിചയമുള്ളൂവെന്നും പാരിതോഷികമായി പ്രഖ്യാപിച്ചത് വലിയ സര്പ്രൈസാണെന്നുമായിരുന്നു ശ്രീജേഷിന്റെ പ്രതികരണം.
