ന്യൂദല്ഹി:രാജ്യത്തിന്റെ സ്വാതന്ത്ര്യസമരത്തില് ഗോത്രവര്ഗ വിഭാഗക്കാര് നല്കിയ സംഭാവനകള് പരിഗണിച്ച് അവരുടെ സംഭാവനകള് ഉള്പ്പെടുത്തിയുള്ളപ്രത്യേക മ്യൂസിയങ്ങള് ഗോത്രവര്ഗ്ഗ മന്ത്രാലയം സ്ഥാപിക്കുന്നു. 9 ഗോത്ര വര്ഗ്ഗ സ്വാതന്ത്ര്യസമര സേനാനി മ്യൂസിയങ്ങളാണ്് ആരംഭിക്കുക.കോഴിക്കോട് ഉള്പ്പെടെ രാജ്യത്തെ എട്ട് സംസ്ഥാനങ്ങളിലെ വിവിധ സ്ഥലങ്ങളിലും മ്യൂസിയങ്ങള് പ്രവര്ത്തനമാരംഭിക്കും.
ദേശീയ പ്രാധാന്യമുള്ള അത്യാധുനിക മ്യൂസിയം ഗുജറാത്തില് സജ്ജമാക്കും.മ്യൂസിയങ്ങളില് രണ്ടെണ്ണത്തിന്റെ നിര്മ്മാണം ഭൂരിഭാഗവും പൂര്ത്തിയായി കഴിഞ്ഞു. ശേഷിക്കുന്ന 7 മ്യൂസിയങ്ങളുടെ നിര്മ്മാണ പ്രവര്ത്തനങ്ങള് പുരോഗമിക്കുകയാണ്. 2022 ഓടു കൂടി ഒന്പത് മ്യൂസിയങ്ങളുടെയും പ്രവര്ത്തനം ആരംഭിക്കാന് കഴിയുമെന്നാണ് പ്രതീക്ഷിക്കുന്നത
ഇത് സംബന്ധിച്ച പ്രഖ്യാപനം 2016ലെ സ്വാതന്ത്ര്യദിന സന്ദേശത്തില് പ്രധാനമന്ത്രി നരേന്ദ്രമോദി നടത്തിയിരുന്നു. ബ്രിട്ടീഷുകാര്ക്ക് കീഴടങ്ങാതെ അവര്ക്കെതിരെ പോരാടിയ ധീരരായ ഗോത്ര വര്ഗ്ഗ വിഭാഗക്കാര് അധിവസിച്ചിരുന്ന സംസ്ഥാനങ്ങളില് അവര്ക്കായി പ്രത്യേക മ്യൂസിയങ്ങള് സജ്ജമാക്കും എന്ന് മോദി ഉറപ്പുനല്കിയിരുന്നു. ഇത്തരം മ്യൂസിയങ്ങള് രാജ്യത്തിന്റെ വിവിധ സംസ്ഥാനങ്ങളില് സ്ഥാപിക്കുമെന്നും അതുവഴി ഗോത്ര വര്ഗ വിഭാഗക്കാര് നല്കിയ ധീരമായ ത്യാഗങ്ങളെ പറ്റി വരുംതലമുറയ്ക്ക് അറിവ് ലഭിക്കുമെന്നും അദ്ദേഹം പ്രതീക്ഷ പ്രകടിപ്പിച്ചിരുന്നു.
പ്രധാനമന്ത്രിയുടെ നിര്ദേശപ്രകാരം വര്ച്വല് റിയാലിറ്റി, ഓഗ്മെന്റഡ് റിയാലിറ്റി, 3ഡി/7ഡി ഹോളോഗ്രാഫിക് പ്രൊജെക്ഷന്സ് തുടങ്ങിയ നൂതന സാങ്കേതിക വിദ്യകള് മ്യൂസിയങ്ങളില് ലഭ്യമാക്കും.
ഇത് സംബന്ധിച്ച് സംസ്ഥാനങ്ങളുമായി ഗോത്ര വര്ഗ മന്ത്രാലയം നിരവധി ചര്ച്ചകളും നടത്തി കഴിഞ്ഞു. നിര്ദേശങ്ങളും, പുരോഗതിയും വിലയിരുത്താന് മന്ത്രാലയ സെക്രട്ടറിയുടെ അധ്യക്ഷതയില് ഒരു ദേശീയ തല സമിതിക്കും രൂപം നല്കിയിട്ടുണ്ട്.
