കൊട്ടാരക്കര: സിപിഐ ഭരിക്കുന്ന നെടുവത്തൂര് സര്വീസ് സഹകരണബാങ്കില് കോടികളുടെ ക്രമക്കേട് നടന്നതില് പ്രതിഷേധിച്ച് ബിജെപിയുടെ നേതൃത്വത്തില് ബാങ്ക് ഉപരോധവും ധര്ണയും സംഘടിപ്പിച്ചു. ബാങ്കിന് മുന്നില് നടന്ന ഉപരോധസമരം കൊട്ടാരക്കര മണ്ഡലം പ്രസിഡന്റ് അഡ്വ: വയയ്ക്കല് സോമന് ഉദ്ഘാടനം ചെയ്തു.
താമരക്കുടി സഹകരണബാങ്കിനെ തകര്ത്ത ഇടതുമുന്നണി 13 കോടി രൂപയാണ് അപഹരിച്ചതെന്നും പിന്നീട് നെടുവത്തൂരിലേക്കാണ് കണ്ണുവച്ചതെന്നും അദ്ദേഹം പറഞ്ഞു.
നെടുവത്തൂര് പഞ്ചായത്ത് സമിതി പ്രസിഡന്റ് എന്.ശിവരാമന്റെ അധ്യക്ഷനായി. യോഗത്തില് മണ്ഡലം ജനറല്സെക്രട്ടറി കെ.ആര്. രാധാകൃഷ്ണന്, ശ്രീനിവാസന്, രാജഗോപാല്, ചാലൂക്കോണം അജിത്ത്, വല്ലം വിഷ്ണു, സുകുമാരി സുനില്, എല്. ബിനു, ശരണ്യ സന്തോഷ്, നന്ദു, സന്തോഷ്, സോമരാജന്, ദിലീപ്, ആനക്കോട്ടൂര് സജികുമാര്, ജയകുമാര് എന്നിവര് സംസാരിച്ചു.
കുറ്റക്കാരായ ജീവനക്കാരെ പിരിച്ചുവിടണമെന്നും ബാങ്ക് ഭരണസമിതി പിരിച്ചുവിടണമെന്നും നേതാക്കള് ആവശ്യപ്പെട്ടു. ഇല്ലാത്തപക്ഷം അസിസ്റ്റന്റ് രജിസ്ട്രാര്, ജോയിന്റ് രജിസ്ട്രാര് ഓഫീസുകളിലേക്ക് സമരം വ്യാപിപ്പിക്കാനാണ് തീരുമാനം.
