തിരുവനന്തപുരം: തിരുവനന്തപുരം: ജമ്മു കശ്മീരിന്റെ പ്രത്യേക പദവി റദ്ദാക്കി സംസ്ഥാനത്തെ രണ്ടായി വിഭജിച്ച് വിഘടനവാദികളില് നിന്നും മോചിപ്പിച്ച കേന്ദ്ര സര്ക്കാര് തീരുമാനത്തിനെതിരെ വിമര്ശനവുമായി ആദ്യമായി രംഗത്തുവന്നത് പാകിസ്ഥാനും ഡിവൈഎഫ്ഐയും. ജമ്മു കശ്മീര് തര്ക്ക പ്രദേശമാണെന്നും അവിടെ ഇന്ത്യ നടപ്പിലാക്കുന്ന ഏത് നീക്കത്തിനെയും എതിര്ത്തു തോല്പ്പിക്കുമെന്നുമാണ് പാക്കിസ്ഥാന്റെ നിലപാട്.
ഇന്ത്യന് അധിനിവേശ കശ്മീര് അന്താരാഷ്ട്ര അംഗീകൃത തര്ക്ക പ്രദേശമാണ് . ഐക്യരാഷ്ട്രസഭ രക്ഷാസമിതിയുടെ പ്രമേയങ്ങളിലെ മാനദണ്ഡം പാലിച്ചാണെങ്കില് തര്ക്ക ഭൂമിയില് ഏകപക്ഷീയമായ ഒരു നടപടിക്കും ഇന്ത്യയ്ക്ക് കഴിയില്ല. ജനങ്ങള്ക്ക് അത് സ്വീകരിക്കാന് കഴിയില്ല എന്നുമാണ് പാക് വിദേശകാര്യ മന്ത്രാലയം പറയുന്നത്.
ജമ്മു കശ്മീരിന് ഇന്ത്യന് ഭരണഘടന പൂര്ണ്ണമായും ബാധകമാക്കിയ കേന്ദ്ര സര്ക്കാര് തീരുമാനത്തിനെതിരെ പ്രതിഷേധവുമായി ഡി.വൈ.എഫ്.ഐ തിരുവന്തപുരത്തേയ്ക്ക് മാര്ച്ച് നടത്തി. ബാരിക്കേഡ് തകര്ക്കാന് ശ്രമിച്ച പ്രവര്ത്തകര്ക്കെതിരെ പോലീസ് ജലപീരങ്കി പ്രയോഗിച്ചു. കേന്ദ്ര സര്ക്കാര് തീരുമാനം ഏകാധിപത്യമാണെന്നാണ് ഡി.വൈ.എഫ്.ഐ ആരോപിക്കുന്നത്. കശ്മീരില് ജെ.കെ.ഡി.വൈ.എഫ് (ജമ്മുകശ്മീര് ഡെമോക്രാറ്റിക്ക് യൂത്ത്് ഫെഡറേഷന്) എന്ന് പേരിലാണ് ഈ സംഘടന പ്രവര്ത്തിക്കുന്നത്.
ജമ്മു കശ്മീരിനെ വിഘടന വാദികളുടെ കൈയ്യില് നിന്നും മോചിപ്പിച്ച കേന്ദ്ര സര്ക്കാര് തീരുമാനത്തെ വെല്ലുവിളിച്ച് ഡിവൈഎഫ്ഐ മലപ്പുറത്തും പ്രതിഷേധം നടത്തി. മലപ്പുറം തേഞ്ഞിപ്പാലം പോസ്റ്റോഫീസിലേക്ക് സംഘടയുടെ നേതൃത്വത്തില് പ്രതിഷേധ മാര്ച്ച് നടത്തിയത്. സംസ്ഥാന സെക്രട്ടറി എഎ റഹിമിന്റെ നേതൃത്വത്തിലായിരുന്നു മാര്ച്ചും ധര്ണ്ണയും. കേന്ദ്ര സര്ക്കാര് നടപടിക്കെതിരെ പ്രതിഷേധ പ്രകടനം നടന്നത് കേരളത്തിലും പാക്കിസ്ഥാനിലും മാത്രമാണ്. പാക്കിസ്ഥാനിലെ റാവല്പിണ്ടിയില് മോദി സര്ക്കാരിന്റെ തീരുമാനത്തിനെതിരെ തീവ്രവാദികള് പ്രതിഷേധിച്ച് പ്രകടനം നടത്തിയിരുന്നു.
നേരത്തെ ജമ്മു കാശ്മീരിനെ വിഘടനവാദികളില് നിന്നും മോചിപ്പിച്ച കേന്ദ്ര സര്ക്കാര് തീരുമാനത്തിനെതിരെ സിപിഎം രംഗത്തെത്തിയിരുന്നു. കേന്ദ്ര ഗവണ്മെന്റ് കാശ്മീരില് നടത്തിയ ഇടപെടലുകള് ജനങ്ങള്ക്കിടയില് ആശങ്കയും സംശയവും ഭീതിയും ഉളവാക്കിയിട്ടുണ്ടെന്നുള്ള മുടന്തന് ന്യായത്തില് സഭ നിര്ത്തിവച്ചു ചര്ച്ച ചെയ്യണമെന്നാണ് സിപിഎം ആവശ്യപ്പെട്ടത്. മുപ്പത്തയ്യായിരത്തോളം അര്ദ്ധ സൈനികരെ താഴ്വരയില് വിന്യസിച്ചത് തെറ്റാണെന്നും സിപിഎം എംപിമാര് ചട്ടം 267 പ്രകാരം രാജ്യസഭാ ചെയര്മാന് വെങ്കയ്യ നായിഡുവിന് നല്കിയ നോട്ടീസില് പറയുന്നു. കേരളത്തില് നിന്നുള്ള സിപിഐ (എം) എംപിമാരാണ് രാജ്യസഭയില് അടിയന്തിരപ്രമേയ നോട്ടീസ് നല്കിയത്. എളമരം കരീം, കെ.കെ.രാഗേഷ്, കെ.സോമപ്രസാദ് എന്നിവരാണ് വിഘടനവാദികള്ക്ക് അനുകൂലമായി രംഗത്തെത്തിയത്.
