പെരിയ: കേരള കേന്ദ്രസര്‍വകലാശാലാ പ്രോ-വൈസ് ചാന്‍സലര്‍ പ്രൊഫ.ഡോ.കെ.ജയപ്രസാദിനെതിരെ വധഭീഷണി. സര്‍വ്വകലാശാല പോലീസില്‍ പരാതി നല്‍കി. ആഗസ്റ്റ് 14ന് ഉച്ചയ്‌ക്ക് ഒരുമണിയോടെയാണ് സിപിഎം സംസ്ഥാന നേതാവ് മൊബൈല്‍ ഫോണില്‍ വിളിച്ച് പ്രോ-വൈസ് ചാന്‍സലറെ ഭീഷണിപ്പെടുത്തിയത്.
ഭീഷണിക്ക് പകരം, എന്തെങ്കിലും പ്രശ്‌നമുണ്ടെങ്കില്‍ നേരിട്ട് വരാമെന്നും സര്‍വകലാശാല നിയമാനുസൃതമായ നടപടികള്‍ മാത്രമാണ് സ്വീകരിക്കുതെന്നും പ്രോ-വൈസ്ചാന്‍സലര്‍ അതേ ദിവസം തിരിച്ച് എസ്എംഎസ് അയച്ചിരുന്നു. തുടര്‍ന്നും വിവിധ കോണുകളില്‍ നിന്ന് ഭീഷണി ഉയരുകയും സോഷ്യല്‍ മീഡിയയില്‍ പ്രോ-വൈസ് ചാന്‍സലറെയും സര്‍വകലാശാലയെയും അപമാനിക്കുന്ന തരത്തിലുള്ള പ്രചരണം ഉണ്ടാകുകയും ചെയ്തു.
കഴിഞ്ഞ മാസം 11ന് പുറത്തുനിന്നുള്ള വിദ്യാര്‍ഥികള്‍ എത്തി ക്യാമ്പസില്‍ അക്രമം നടത്തി. 12ന് ഡിവൈഎഫ്‌ഐയുടെ മാര്‍ച്ചില്‍ തന്റെ ജീവന് ഭീഷണി ഉയര്‍ത്തു തരത്തിലുള്ള മുദ്രാവാക്യങ്ങള്‍ ഉണ്ടായിരുതായി പ്രോ-വൈസ് ചാന്‍സലര്‍ പരാതിയില്‍ പറയുന്നു. ഇക്കാര്യങ്ങള്‍ മുന്‍നിര്‍ത്തിയാണ് പ്രോ-വൈസ് ചാന്‍സന്‍സലറുടെ സുരക്ഷിതത്വത്തിനും വധഭീഷണിക്കെതിരായും നിയമനടപടികള്‍ സ്വീകരിക്കുന്നതിനും പോലീസില്‍ പരാതി നല്‍കിയത്. ഇത് സംബന്ധിച്ച് കേന്ദ്ര മാനവ വിഭവശേഷി വികസന മന്ത്രാലയത്തിനും യുജിസിക്കും സര്‍വകലാശാല പരാതി സമര്‍പ്പിച്ചിട്ടുണ്ട്.
