അമ്പലപ്പുഴ: ക്ഷേത്രോത്സവത്തിനിടെ നാലു വയസ്സുകാരിയുടെ കൈയ്യില് നിന്നു വള ഊരിയെടുത്ത രണ്ടു പേരെ പോലീസ് അറസ്റ്റു ചെയ്തു. പാലക്കാട് ഒറ്റപ്പാലം കീഴൂര് പത്തായപ്പുര വീട്ടില് മുരളീധരന്(39), മലപ്പുറം പൊന്നാനി കാലടി കോതമത്ത് ദിലീപ് (29) എന്നിവരെയാണ് അമ്പലപ്പുഴ പോലിസ് അറസ്റ്റു ചെയ്തത്. മുത്തശ്ശിക്കൊപ്പം ക്ഷേത്രത്തിലെത്തിലെത്തിയ സമീപവാസിയായ പൂജയുടെ കൈയ്യില് അണിഞ്ഞിരുന്ന നാലു ഗ്രാം തൂക്കം വരുന്ന സ്വര്ണ്ണ വളയാണ് ഇരുവരും ചേര്ന്ന് ഊരിയെടുത്തത് .സംഭവം ശ്രദ്ധയില്പ്പെട്ട് ഇവര്ക്കൊപ്പമുണ്ടായിരുന്നവര് ബഹളം കൂട്ടുകയും ഉടന് സ്ഥലത്തുണ്ടായിരുന്ന പോലീസെത്തി ഇരുവരെയും കസ്റ്റഡിയിലെടുക്കുകയുമായിരുന്നു.ഇവര് മറ്റു കേസുകളില് പ്രതികളാണോയെന്ന് അന്വഷിച്ചു വരുന്നതായി എസ്ഐ പ്രജീഷ് പറഞ്ഞു.
കുട്ടിയുടെ വള മോഷ്ടിക്കാന് ശ്രമിച്ചവര് പിടിയില്
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.