തൃശൂര്: കള്ളപ്പണമാഫിയയെ നിയന്ത്രിക്കാനുള്ള നരേന്ദ്രമോദി സര്ക്കാരിന്റെ ശ്രമം രാജ്യത്ത് പാവപ്പെട്ടവന്റെ ജീവിതം സുഗമമാക്കുമെന്ന് ബിജെപി സംസ്ഥാന ജനറല് സെക്രട്ടറി ശോഭ സുരേന്ദ്രന്. എന്ഡിഎ മണ്ഡലം കമ്മിറ്റി തൃശൂര് കോര്പ്പറേഷന് ഓഫീസിന് മുന്നില് സംഘടിപ്പിച്ച ജനകീയ സദസ്സ് ഉദ്ഘാടനം ചെയ്ത് സംസാരിക്കുകയായിരുന്നു അവര്. സ്വാതന്ത്ര്യത്തിന് ശേഷമുള്ള എഴുപത് വര്ഷംകൊണ്ട് രാജ്യത്തെ പാവപ്പെട്ടവരെ കൊള്ളയടിച്ചാണ് കള്ളപ്പണമാഫിയ തടിച്ചുകൊഴുത്തത്. ഇതിന് ഒത്താശ ചെയ്യുന്ന സമീപനമാണ് കോണ്ഗ്രസ്സും കമ്മ്യൂണിസ്റ്റുകാരും സ്വീകരിച്ചത്. ഈ കൊള്ളക്ക് അറുതിവരുത്താനാണ് ബിജെപി സര്ക്കാര് പുതിയ നീക്കത്തിലൂടെ ശ്രമിക്കുന്നതെന്നും അവര് പറഞ്ഞു. പണപ്പെരുപ്പം കുറക്കുക, വിലനിലവാരം പിടിച്ചുനിര്ത്തുക തുടങ്ങിയ കാര്യങ്ങള് ഇതിലൂടെ നേടാനാകും. ബിജെപി മണ്ഡലം പ്രസിഡണ്ട് വിനോദ് പൊള്ളഞ്ചേരി അദ്ധ്യക്ഷനായിരുന്നു. ബിജെപി ജില്ലാപ്രസിഡണ്ട് എ.നാഗേഷ്, ബിഡിജെഎസ് ജില്ലാപ്രസിഡണ്ട് കെ.വി.സദാനന്ദന്, സോഷ്യലിസ്റ്റ് ജനത സംസ്ഥാന സെക്രട്ടറി എം.പി.ജോയ്, എന്ഡിപി ജില്ലാസെക്രട്ടറി ബാലഗോപാലമേനോന്, കേരളകോണ്ഗ്രസ് സംസ്ഥാന ജനറല് സെക്രട്ടറി അഡ്വ. സംഗീത് ലൂയീസ്, ജില്ലാപ്രസിഡണ്ട് ബിജുക്കുട്ടന്, ജെഎസ്എസ് സംസ്ഥാനസമിതി അംഗം രമേഷ് പനോലി, ബിജെപി നേതാക്കളായ സുരേന്ദ്രന് ഐനിക്കുന്നത്ത്, രഘുനാഥ് സി.മേനോന്, പ്രദീപ്കുമാര്, ബിഡിജെഎസ് നേതാക്കളായ കാര്ത്തികേയന്, കെ.വി.വേണുഗോപാല് എന്നിവര് പ്രസംഗിച്ചു.
ചാലക്കുടി: എന്ഡിഎ ചാലക്കുടി മണ്ഡലം കമ്മിററിയുടെ ജനകീയ സദസ് സംഘടിപ്പിച്ചു.ബിഡിജെഎസ് സംസ്ഥാന ജനറല് സെക്രട്ടറി കെ.എ.ഉണ്ണികൃഷ്ണന് പരിപാടി ഉദ്ഘാടനം ചെയ്തു. കെ.എ.സുരേഷ്, എ.ഉണ്ണികൃഷ്ണന്, കെ.എം.സുബ്രഹ്മണ്യന്, എം.കെ.സുനില്, ജോയ് ഗോപുരന്, അഡ്വ.സജികുറുപ്പ്,കെ.യു.ദിനേശന്,കെ.ജി.സുന്ദരന്,ടി.സ്.മുകേഷ്,എസ്.ശ്രീകുമാരി തുടങ്ങിയവര് സംസാരിച്ചു.
പുതുക്കാട്: എന്ഡിഎ പുതുക്കാട് മണ്ഡലം കമ്മിറ്റിയുടെ ജനകീയ സദസ്സ് ബിജെപി സംസ്ഥാന സെക്രട്ടറി ബി.ഗോപാലകൃഷ്ണന് ഉദ്ഘാടനം ചെയ്തു. ദേശീയ കൗണ്സില് അംഗം പി.എസ് ശ്രീരാമന് മുഖ്യ പ്രഭാഷണം നടത്തി. ബി.ഡി.ജെ.എസ് ജില്ല ജോ. സെക്രട്ടറി ലോചനന് അമ്പാട്ട്, ബി.ജെ.പി മണ്ഡലം പ്രസിഡന്റ് വി.കെ. രാജന്, എം.ആര്.മനോജ് കുമാര്, സി.കെ. കൊച്ചുകുട്ടന്, എ.ജി.രാജേഷ്, കെ.വി.ശശിധരന് എന്നിവര് പ്രസംഗിച്ചു.
